येरमाळा - कळंब तालुक्यातील चोराखळी येथील महाकाली कला केंद्रसमोर दोन गटांमध्ये झालेल्या तुफान हाणामारीमध्ये गोळीबार झाल्याचा प्रकार घडला होता. या भांडणात गोळीबार झाल्याची माहिती असूनही दोन्ही गटाकडून फिर्यादीमध्ये गोळीबाराचा उल्लेख करण्यात आला नाही..या प्रकरणी हाणामारी व जिवेमारण्याच्या धमकीचे परस्पराविरुद्ध नऊ जणासह इतर अनोळखी दहा जनावर गुन्हे दाखल करण्यात आले आहेत. गोळीबाराचे प्रकरण पोलिसांनी तपासाचा ससेमीरा मागे लागु नये म्हणुन पोलिसांनी गोळीबार प्रकरण दाबल्याच्या चर्चेला परिसरात उधाण आले आहे..याबाबत पोलिस सूत्राकडून मिळालेली माहिती अशा की, तौसीफ सिकंदर तांबोळी (रा. सांजा धाराशिव) फिर्यादीवरून पवन पौळ (रा. आळणी, ता. जि. धाराशिव) अक्षय साळुंके, राज पवार, विजय साळुंके तिघे (रा. धाराशिव) यांच्यासह चार ते पाच अनोळखी व्यक्तीनी सोमवारी (ता. ४) सहा वाजेच्या सुमारास महाकाली कला केंद्र येथे थांबले असता संदीप यल्लप्पा भुट्टे व रोहीत जाधव यांनी येथे गैरकायद्याची मंडळी जमवुन जुण्या भांडणाच्या कारणावरुन फरशीच्या तुकड्याने,लाकडी दांड्याने व दगडाने डोक्यात, पाठीवर, पोटावर, हातावर मारहाण करुन गंभीर दुखापत केली व शिवीगाळ करुन जिवे मारण्यची धमकी दिली..तर विजय गोपीनाथ साळुंके (रा. गणेश नगर धाराशिव) यांच्या फिर्यादीवरून संदीप यल्लप्पा भुट्टे, रोहीत जाधव (रा. धाराशिव) तौफीक सिंकंदर तांबोळी (रा. सांजा रोड, धाराशिव) इतर पाच अनोळखी इसम यांनी आपआपसात संगणमत करुन गैरकायद्याची मंडळी जमवुन वरील व्यक्तीनी त्याच्या हातातील दगडाने डोक्यात मारुन गंभीर जखमी केले..व इतर सात जनांनी मिळुन शिवीगाळ करुन फिर्यादीस व फिर्यादीच्या भावास लाथाबुक्क्यांनी मारहाण करुन जिवे मारण्याची धमकी दिली. या झालेल्या हाणामारी मध्ये अक्षय साळुंके, विजय गोपीनाथ साळुंखे, तोसिफ तांबोळी, संदीप यल्लप्पा भुट्टे, रोहीत जाधव हे पाच जण जखमी झाले असून, त्यांना धाराशिव येथील खाजगी व शासकीय रुग्णालयात उपचारासाठी दाखल करण्यात आले आहे. पुढील तपास पोउपनि स्वप्नील भोजगुडे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
