सबस्क्राईब करा
नायगाव : कोशिश करने वालों की कभी हार नहीं होती या ओळींप्रमाणे एक यशोगाथा घडली आहे. वैद्यकीय पदवी अभ्यासक्रम प्रवेश परीक्षा ‘एनईईटी-यूजी २०२४ च्या परिक्षेत सातत्यपूर्ण अभ्यास करून तालुक्यातील रातोळी येथील धनश्री पाटील हिने ७२० पैकी ६६१ गुण मिळविले.
सर्वसामान्य कुटुंबातील पाटील परिवाराने पाहिलेले डॉक्टर होण्याचे स्वप्न त्यांच्या मुलीच्या माध्यमातून पूर्ण होत आहे. विशेष म्हणजे ती गावातील पहिली महिला डॉक्टर होणार आहे.धनश्री पाटीलचे हे यश ग्रामीण भागातील मुला-मुलींना प्रेरणा देणारे असून गरिबांचीही मुले डॉक्टर होऊ शकतात हे तीने दाखवून दिल आहे.
तालुक्यातील रातोळी येथील नराशाम विघालय, माध्यमिक व उच्च माध्यमिक विद्यालयात शिक्षण घेतलेल्या धनश्रीने हे यश संपादन करून विद्यार्थ्यांपुढे आदर्श ठेवला आहे.शिक्षण हे कोणत्याही माध्यमातून व शाळेतून घेतले तरी मेहनत व बुद्धिमत्तेवर आपल्याला यश मिळविता येते तिने दाखवून दिले.
धनश्रीला मिळालेल्या यशाबद्दल रातोळीच्या सरपंच कमलबाई शिवराज पाटील, माधुरी संदीप पाटील, अंजली अंकुश पाटील, मनीषा विनोद पाटील, शिवकांता मनोहर पाटील, ताराबाई सुभाष पाटील, अंजना बाई रामचंद्र पाटील, ललिताबाई व्यंकराव पांचाळ यांच्यासह ग्रा.पं.सदस्य, ग्रामस्थांनी तीला शुभेच्छा दिल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.