माजीमंत्री आमदार संभाजी पाटील निलंगेकर कोरोना पॉझिटिव्ह

निलंगा (लातूर): माजीमंत्री तथा आमदार संभाजी पाटील निलंगेकर हे कोरोना पॉझिटिव्ह झाले असून, त्यांची प्रकृती एकदम चांगली असून, सध्या ते घरीच राहून उपचार घेत आहेत. संपर्कात आलेल्यांनी कोरोना चाचणी करून घेण्याबरोबरच आपली व कुटूंबाची काळजी घेण्याचे अवाहन त्यांनी सोशल मिडीयाद्वारे केले आहे.

सध्या कोरोनाचा संसर्ग मोठ्या प्रमाणात वाढत असून, दैनंदिन तपासणीची आकडेवारीही वाढतच जात आहे. शहरासह ग्रामीण भागातही कोरणा संसर्ग वाढत असल्यामुळे नागरिकांत चिंता निर्माण झाली आहे. संभाजीराव पाटील निलंगेकर हे महाराष्ट्रभर पक्षाच्या कामासाठी सतत फिरत असतात.

'आता कुठवर लॉकडाउन, माझ लगीन गेलय राहून...'

सध्या बसवकल्याण विधानसभा मतदार संघाची पोटनिवडणूक सुरू आहे. हा मतदार संघ निलंगा तालुक्याला लागून आहे. शिवाय आमदार संभाजी पाटील निलंगेकर हे चार दिवसांपूर्वी भाजपच्या उमेदवारांच्या प्रचारासाठी कर्नाटक येथे सभेला संबोधित करण्यासाठी गेले होते. दरम्यान, शंका आल्याने त्यांनी कोरोना चाचणी करून घेतली. यात ते पॉझिटिव्ह आले आहेत. या बाबतची माहिती त्यांनी सोशल मीडियाद्वारे कळवली आहे.