आखाडा बाळापूर : शाळेला सुटी लागली की मुलांना वेध लागायचे ते मामाच्या गावाचे. ‘मामाच्या गावाला जाऊया’ हे गाणे मुलांच्या ओठी असे, गाण्याबरोबर मामाच्या गावाची उत्सुकताही वाढत असे. आता काळाच्या ओघात सुट्यांमधील अतिरिक्त शिकवण्या, उन्हाळी शिबिर, संस्कार वर्ग, मोबाइलच्या दुनियेत मुले रमल्याचे चित्र बहुतांश ठिकाणी दिसत आहे. धावपळीच्या काळात नात्यांमध्ये वाढलेला दुरावाही या मागचे महत्त्वाचे कारण आहे.