Aadul News : रमजाननिमित्त फळबाजार बहरला....; मागणी वाढल्याने भावही तेजीत

आडुळ - मुस्लिमांचा पवित्र रमजान महिन्याला शनिवारी (ता. १ ) रोजी झालेल्या चंद्रदर्शनानंतर रविवारी (ता. २ ) रोजी पासुन रमजान महिन्यांची पहिल्या उपवासाने सुरूवात झाली. चंद्रदर्शन होताच आडुळ (ता. पैठण ) येथील बाजार पेठ सह मुस्लीम बहुल भागात फळांच्या मागणीत मोठ्या प्रमाणात वाढ झाली.

पपई, कलिंगड, चिक्कू आणि खरबूजच्या भावात वाढझाल्याचे चिञ येथील फळबाजार पेठेत पहावयास मिळत आहे. रमजान महिन्यात विविध ठिकाणच्या मशिदीमध्ये मोठ्या प्रमाणात इफ्तार पार्टींचे आयोजन करण्यात येते. शिवाय अनेक जण घरी रोजा इफ्तार करतात.

विशेष म्हणजे घरीच रोजा इफ्तार करणारे एकमेकांच्या घरी इफ्तारासाठी लागणाऱ्या अन्न पदार्थासह फळांचे एकमेकांना वाटप करतात त्यामुळे याकाळात सर्वच फळांना मागणी जास्त असते. तसेच यंदा रमजान मार्च मध्येच सुरु झाल्याने उन्हाचा कडाका कायम असल्याने संध्याकाळी इफ्तारानंतर लिंबू सरबत, रसवंतीगृहे, ज्युस सेंटर आदी ठिकाणी शितपेयासाठी गर्दी होत आहे.

बाजार पेठेत रेलचेल वाढली

येथील फळ बाजारात मोसंबी, डाळिंब, अननस, पपई, सफरचंद, खजुर, कलींगड, खरबुज, काकडी, खिरे, केळी, संञा, पेरु, द्राक्ष, चिक्कु, सिताफळ, आंब्यासह अनेक फळे विक्रीसाठी उपलब्ध झाल्याने ग्राहकांची रेलचेल वाढली आहे.

रमजानमुळे आवाक वाढली तशी मागणी ही वाढली त्यामुळे फळांच्या भावात वाढ झाली आहे.

- फेरोज पठाण ( सरताज फ्रुट कंपनी, आडुळ)

फळांचे दर पुढीलप्रमाणे -

अननस-५० ते १०० रुपये प्रती नग, मोसंबी - २० ते ४० रुपये प्रती किलो, संत्रा-४० ते ५० रुपये प्रती किलो, आंबा १५० ते २५० रुपये प्रति किलो, डाळिंब-१०० ते २०० रुपये प्रति किलो, कलिंगड ३० ते १५० रुपये प्रति नग, खरबूज ३० ते ६० रुपये प्रति किलो, पपई ४० ते ६० रुपये प्रति किलो, चिक्कू- ८० ते १०० रुपये प्रति किलो.

रमजानमुळे विविध पालेभाज्याचे ही भाव काही अंशी वाढले असुन बाजारात पेठेत मोठ्या प्रमाणात पालेभाज्या येण्यास सुरुवात झाली आहे. येथील बसस्थानक परिसरात परिसरातील शेतकरी स्वत: पालेभाज्यांची विक्री करतांना दिसुन येत आहे.