गेवराई - बीडमधील गेवराईचे राष्ट्रवादीचे आमदार विजयसिंह पंडित यांनी शुक्रवारी मुंबई मराठा आरक्षण रॅलीत सहभाग घेऊन थेट घोषणा देत आझाद मैदानावर जाऊन संघर्ष योध्दा मनोज जरांगे-पाटील यांची भेट घेतली..गेवराईचे राष्ट्रवादीचे आमदार विजयसिंह पंडित समर्थक व ओबीचे नेते प्रा. लक्ष्मण हाके यांच्यात गेवराई शहरात मागील आठवड्यात झालेला राडा यामुळे आमदार पंडित आणि हाके यांनी एकमेकांवर वार-पलटवार केले होते. एवढेच नाहीतर प्रा. हाकेसह गेवराई पोलीस ठाण्यात १३ जणांविरुद्ध गुन्हे देखील दाखल करण्यात आले..त्यानंतर आमदार विजयसिंह पंडित यांनी शुक्रवारी (ता २९)रोजी मुंबईत धडकलेल्या मराठा रॅलीत सहभागी झाले. एक मराठा, लाख मराठा; मनोज जरांगे-पाटील तुम संघर्ष करो हम तुम्हारे साथ है! अशा घोषणा देखील पंडित यांनी दिल्या..रॅलीत सहभाग घेतल्यानंतर आमदार विजयसिंह पंडितांनी आझाद मैदानावर जाऊन मनोज जरांगे-पाटील यांची भेट घेऊन मराठा आरक्षणाला पाठिंबा दिला.बीड जिल्ह्याचे खासदार बजरंग सोनवणे, माजलगावचे आमदार प्रकाश सोळंके, बीडचे संदीप क्षीरसागर यांच्यानंतर गेवराईचे आमदार विजयसिंह पंडित यांनी भेट आझाद मैदानावर जाऊन मराठा आरक्षण योध्दा मनोज जरांगे-पाटील यांना पाठिंबा दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
