Beed: शेतकऱ्याला हैदराबाद येथील बाजारानेही लुटले; कांद्याने डोळ्यांत पाणी; कोल्हेरमधील मुरलीधर माळतकर यांची व्यथा

गेवराई: रखरखते ऊन.... अंगातून वाहणाऱ्या घामाच्या धारा... आणि ६ एकर शेतात पोटच्या पोरासारखा जपलेला कांदा पदरात पाडून घेण्यासाठी रात्रीचा दिवस करणारा बळिराजा! जास्तीचे चार पैसे खिशात येतील, कष्टाचे चीज होईल आणि आगामी जून महिन्यातील खरिपाची पेरणी सुखाची होईल, या आशेने डोळ्यात स्वप्ने घेऊन एका शेतकऱ्याने थेट परराज्यातील हैदराबाद मार्केट यार्ड गाठले.