"Four seriously injured in severe gas cylinder blast in Gevrai."
Sakal
गेवराई : दिवाळीचा आनंद आणि उत्सवाचे वातावरण सुरू असतानाच, गेवराई शहरातील संजयनगर भागात एक अत्यंत भीषण आणि मनाला हेलावून टाकणारी दुर्घटना घडली आहे. सामाजिक कार्यकर्ते लक्ष्मण चव्हाण यांच्या घरातील स्वयंपाकाच्या गॅस सिलिंडरची टाकी अचानक स्फोट पावली. या दुर्घटनेत चार घरांना भीषण आग लागून चार जण गंभीर जखमी झाले आहेत. सणासुदीच्या तोंडावरच घडलेल्या या आगीच्या तांडवात संसारोपयोगी वस्तू, अन्नधान्यासह एक दुचाकी पूर्णपणे जळून खाक झाल्याने चव्हाण कुटुंबीयांवर मोठे संकट ओढवले आहे.
