गुड न्युज : ५५ जणांचे अहवाल आले निगेटीव्ह  

परभणी : कोरोना विषाणू संदर्भात गुरुवार (ता.२६) पर्यंत घेतलेल्या ८१ स्वॅब पैकी ५५ जणांचे स्वॅब निगेटीव्ह आले आहेत. ११ स्वॅबचे अहवाल अद्यापही प्रलंबित आहेत, अशी माहिती जिल्हा शल्यचिकित्सक डॉ. बाळासाहेब नागरगोजे यांनी दिली.
कोरोना विषाणू संदर्भात माहिती देण्यासाठी जिल्हा शल्यचिकीत्सक डॉ. बाळासाहेब नागरगोजे यांनी काढलेल्या प्रसिध्दी पत्रकात म्हटले आहे. की गुरुवार (ता.२६) पर्यंत १३० संशयीत रुग्णांची नोंद झाली आहे. ८१ जणांचे स्वॅब घेण्यात आले आहेत. त्यापैकी ५५ नेगेटीव्ह असून ११ स्वॅबचे अहवाल प्रलंबित आहेत.

हेही वाचा - परभणीत वादळी वाऱ्यासह पावसाची हजेरी

११९ नागरिकांचे घरात विलगीकरण
 राष्ट्रीय विषाणु संस्था पुणे यांनी १५ स्वॅबच्या तपासणीची आवश्यकता नसल्यचा निर्वळा प्रयोगशाळेने दिला आहे. जिल्ह्यात ५४ जण परदेशातून आलेले आहेत. इतर राज्यातील ३ असे ५७ नागरिक निगराणीखाली आहेत. या नागरिकांपैकी तीन नागरिकांचे विलगीकरण करण्यात आले आहे. तर ११९ नागरिकांचे त्यांच्या घरात विलगीकरण करण्यात आले आहेत, अशी माहिती जिल्हा शल्यचिकित्सक डॉ. बाळासाहेब नागरगोजे यांनी दिली.

हेही वाचा....

जमिनीवर बसून भाजीविक्री नाही
परभणी : शहरातील सर्व सार्वजनिक शौचालय तातडीने सुरु करून घ्यावेत तसेच भाजीपाला विक्रीसाठी जमिनीवर न बसता हातगाड्यावर सकाळी ११ वाजेपर्यंत भाजी विक्री करावी, असे आदेश महापालिका प्रशासनाच्यावतीने गुरुवारी (ता.२६) सांयकाळी देण्यात आले आहेत.

हेही वाचा - ‘लॉकडाऊन’ने चिमुकला दुरावला आई -वडीलांपासून

परभणी महापालिकेच्यावतीने कोरोना विषाणूचा प्रादुर्भाव रोखण्यासाठी कडक पध्दतीने पावले उचलली आहेत. प्रशासनाने गुरुवारी (ता.२६) सांयकाळी नियमावली लागू केली आहे. यात  सर्व सार्वजनीक शौचालय चालू राहतील याची दक्षता घेण्याचे आदेश स्वच्छता निरीक्षकांना देण्यात आले आहेत. भाजीपाला विक्रीसाठी एकाच ठिकाणी जमिनीवर बसून न राहता हातगाड्याद्वारे सकाळी ११. ०० वा पर्यंतच विक्रीसाठी चालू राहतील याची दक्षता घ्यावी, एकाच ठिकाणी जमिनीवर बसून होणारी भाजपाला विक्री बंद करावी. 

घरपोच सामान देण्याच्या सूचना करा
प्रभागातील सर्व किराणा दुकानदारांना फोनवरच किराणा सामानाची ऑर्डर घेऊन घरपोच सामान देण्याच्या सूचना कराव्यात. दुकानावर गर्दी होणार नाही याची दक्षता घेण्याबाबत सूचना कराव्यात, नागरिकांना भाजीपाला / किराणा सामान खरेदीसाठी घराबाहेर पडू नये, अशा सूचना कराव्यात, शहरातील सर्व प्रभागात सायंकाळच्या वेळी टप्प्या टप्प्याने मलेरिया वाहनाने धूर फवारणी करुन घेण्याचे आदेशही देण्यात आले आहेत.