केज - एका अल्पवयीन मुलीचा विनयभंग केल्याप्रकरणी गटशिक्षणाधिकारी लक्ष्मण बेडसकर यांना मंगळवारी (ता.२३) जिल्हा परिषदेचे मुख्य कार्यकारी अधिकाऱ्यांनी निलंबित केल्याचे आदेश दिले आहेत..केज येथील गटशिक्षणाधिकारी लक्ष्मण बेडसकर हे कोणत्या ना कोणत्या कारणाने कायम वादग्रस्त ठरले आहेत. त्यातच त्यांनी एका सोळा वर्षीय मुलीला वाहनात बसवून शहराबाहेर नेत तिच्याशी असभ्य वर्तन करत विनयभंग केल्याची घटना अठरा सप्टेंबर रोजी रात्री साडेआठच्या सुमारास घडली होती..या प्रकरणी पिढीत मुलीच्या तक्रारीवरून एक्कोणीस सप्टेंबर रोजी रात्री उशिरा लक्ष्मण बेडसकर यांच्या विरोधात गुन्हा दाखल करण्यात आला होता. गुन्हा दाखल होताच ते फरार झाले आहेत. या वादग्रस्त गटशिक्षणाधिकाऱ्यांना निलंबित करण्याचा प्रस्ताव जिल्हा परिषदेच्या सामान्य प्रशासन विभागाने मुख्य कार्यकारी अधिकाऱ्यांना पाठवला होता..त्यामुळे अखेर मंगळवारी जिल्हा परिषदेचे मुख्य कार्यकारी अधिकारी जितीन रहमान यांनी गटशिक्षणाधिकारी लक्ष्मण बेडसकर यांना सेवेतून निलंबित केल्याचे आदेश निर्गमित केले आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
