परभणी : मानोली (ता. मानवत, जि. परभणी) येथील शिवारातील एका अखाड्यावरील शेतात हातभट्टी दारू तयार करण्याचे रसायन असल्याची माहिती पोलिसांच्या विशेष पथकांला मिळाली. यावरून पोलिसांनी सोमवारी (ता. चार) सकाळी ११ वाजता या ठिकाणी छापा मारून ४५ हजार रुपयांचे सडके रसायन नष्ट करून आरोपी महिलेवर गुन्हा दाखल केला आहे.
मानोली (ता. मानवत, जि. परभणी) शिवारातील एका आखाड्यावर हातभट्टी दारू तयार करण्याचे रसायन असल्याची माहिती अतिरिक्त पोलिस अधीक्षकांच्या विशेष पथकाला मिळाली. त्यावरून या पथकाने सोमवारी (ता. चार) सकाळी ११ वाजता त्या ठिकाणी छापा मारला असता त्या शेतातील आखाड्यावर हातभट्टी दारू तयार करण्याचे सडके रसायन दोन टाक्यांमध्ये भरले असल्याचे निदर्शनास आले.
सडके रसायन करण्यात आले नष्ट
पोलिसांनी याची पाहाणी केली असता तीन प्लॅस्टिक टाक्यांसह इतर कॅनमध्ये सडके रसायन भरून ठेवण्यात आले होते. त्याच बरोबर गुळाचे, नवसागरचे, बिब्याचे पाणी टाकूण भिजण्यासाठी घातलेले सडके रसायन होते. पोलिसांच्या पथकाने या सर्व टाक्या व कॅन त्याच शेतात सांडून नष्ट केल्या.
हेही वाचा व पहा : Video : परभणीचे ‘हे’ गाडगेबाबा देतात स्वच्छतेचा संदेश
महिलेवर गुन्हा दाखल
या प्रकरणी मुद्देमालासह आरोपी महिलेला मानवत पोलिस ठाण्यात हजर करण्यात आले आहे. ही कारवाई सहायक पोलिस निरीक्षक एच. जी. पांचाळ यांच्या मार्गदर्शनाखाली विशेष पथकातील सहायक पोलिस उपनिरीक्षक हनुमान कच्छवे, पोलिस हवालदार सखाराम टेकुळे, पोलिस हवालदार जगदीश रेड्डी, श्रीकांत घनसावंत, अतुल कांदे, महिला पोलिस कॉन्स्टेबल पूजा भोरगे, चालक गजेंद्र चव्हाण यांनी मिळून केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
