हिंगोली : जुन्या वादातून दाताडा बुद्रुक येथे एकाचा भोसकून खून 

file photo
file photo

हिंगोली : सेनगाव तालुक्यातील दाताडा बुद्रुक येथे जुन्या वादातून एकाचा चाकुने भोसकून खून झाल्याची घटना घडली असून या प्रकरणी सेनगाव पोलिस ठाण्यात सहा जणा विरूध्द गुरुवारी (ता. १०) गुन्हा दाखल झाला आहे.

याबाबत पोलिसांनी दिलेल्या माहितीनुसार सेनगाव तालुक्यातील दाताडा बुद्रुक येथे दोन वर्षांपासून कैलास शिंदे यांचा खून झाला होता. तेव्हापासून शिंदे व कवडे यांच्यात दुश्मनी होती. या दोन परिवारात सुरू असलेल्या जुन्या वादातून अमोल शिंदे, मच्छिंद्र शिंदे, प्रदीप शिंदे, महादेव शिंदे, भुजंग शिंदे सर्व राहणार दाताडा खुर्द नारायण थिटे रा. हत्ता यांनी बुधवार (ता. ९) सायंकाळी दोन वर्षापुर्वी झालेल्या कैलास शिंदे यांच्या खूनाच्या कारणावरुन गैरकायद्याची मंडळी जमवून वाद घातला.

सेनगाव पोलीस ठाण्यात गुन्हा दाखल

अमोल शिंदे याने बटईने शेती केलेल्या शेतात जाऊन नामदेव खंडोजी कवडे वय ७० यांच्या पोटात व गळ्यावर चाकुने वार करून गंभीर जखमी करून ठार मारले. तसेच नितीन कवडे यांना काठी, लाथानी मारुन जखमी केले तसेच त्यांना दवाखान्यात नेत असताना नारायण शिंदे यांनी शिवीगाळ केली या बाबत नितीन कवडे यांनी गुरुवारी दिलेल्या फिर्यादीवरून सेनगाव पोलीस ठाण्यात गुन्हा दाखल झाला आहे.

तपास पोलीस निरीक्षक सरदारसिंग ठाकूर तपास करीत आहेत

घटनेची माहिती मिळताच पोलीस उपअधिक्षक रामेश्वर वैजने, सेनगाव येथील पोलीस निरीक्षक सरदारसिंग ठाकूर, उपनिरीक्षक अभय माकणे, जमादार अनिल भारती यांनी भेट दिली. दरम्यान, पुढील तपास पोलीस निरीक्षक सरदारसिंग ठाकूर तपास करीत आहेत.

संपादन- प्रल्हाद कांबळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com