रोग प्रतिकारशक्ती वाढण्यासाठी हिंगोलीकर रमले योगसाधनेत...

pranayam
pranayam
Updated on: 

हिंगोली ः ‘कोरोना’चा प्रादुर्भाव रोखण्यासाठी लॉकडाऊन सुरू आहे. प्रत्‍येक जण घरीच थांबत आहे. त्‍यामुळे वेळेचा सदुपयोग करण्यासाठी शहरात बहुतेक घरी योग व प्राणायाम कुटूंबीयांसह केले जात आहेत. यामुळे शरिरातील प्रतिकारशक्‍ती वाढण्यास मदत होत असल्याचे योग शिक्षक सांगत आहेत.

‘कोरोना’ विषाणूचा प्रादुर्भाव रोखण्यासाठी मागच्या काही दिवसांपासून लॉकडाऊन, संचारबंदी व जमावबंदीचे आदेश आहेत. कोणीही घराच्या बाहेर पडू नये तसेच पाच व्यक्‍ती एका ठिकाणी थांबू नका असे आदेश आहेत. शहरात एक दिवसाआड बाजार व किराणा दुकाने सुरू आहेत. असे वातावरण पाहता अनेक जण घरीच कुटूंबीसोबत आहेत. अनेकांनी दिवसभराचे नियोजन देखील केले आहे.

योग वर्ग झाले बंद
शहरात नियमित पंधरा ते वीस ठिकाणी योगाचे वर्ग सुरू होते. मात्र, ते आता कोरोनाच्या संसर्गामुळे बंद झाले आहेत. या वर्गात किमान चारशे ते पाचशे योग साधक योगाचे धडे घेत होते. परंतु, ते बंद झाल्याने आता यातील बहुतांश योग साधकांनी व्हॉटअसप ग्रुपच्या माध्यमातून योग शिक्षकांकडून मार्गदर्शन घेत योग व प्राणायाम नित्‍यनेम आपआपल्या घरीच कुटूंबीयासोबत सुरू केले आहे. सकाळी पाच ते सात या वेळात घराच्या गच्चीवर, किंवा घरातील हॉलमध्ये योग व प्राणायाम सुरू आहेत. एकीकडे ‘कोरोना’च्या भीतीमुळे अनेकांचे मानसिक खच्चीकरण होत आहे. सतत बातम्या आणि वाढती रुग्ण संख्या पाहता काहींना याचा त्रास होत आहे. यातून बाहेर पडण्यासाठी व नकारात्मक ऊर्जा सकारात्मक करण्यासाठी ही पावले उचलणे गरजेचे आहे.  

या आसनांसह प्राणायामचा समावेश 
योगात विविध आसने केली जात आहेत तर प्राणायाममध्ये कपालभाती, अनुलोम विलोम, भस्रीका, बाह्यप्राणायाम याला विशेष महत्‍व दिले जात आहे. शरिरातील प्रतिकार शक्‍ती वाढविण्यास हे प्राणायाम मोठी मदत करतात. सध्या कोरोनाचा संसर्ग रोखण्यासाठी या प्राणायामाचा उपयोग प्रत्‍येकाने करणे गरजचे असल्याचे योग शिक्षक संदीप काळे, सुनिल मुळे, उमेश तोष्णवाल हे सांगत आहेत. अनेकांनी घरातील कुटूंबीयासह योगाचे धडे व प्राणायाम करणे सुरू केल्याने सकाळी पाच वाजता अनेक घराच्या गच्चीवर सर्व कुटूंबीय एकत्र दिसत आहेत. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day