निलंगा - पानचिंचोली ता. निलंगा येथे माणुसकीला काळिमा फासणारी एक अत्यंत संतापजनक घटना समोर आली आहे. घरात काम करत असलेल्या एका ५२ वर्षीय महिलेला तिच्या साडीने हात पाय बांधून २५ वर्षीय तरुणाने जबरदस्तीने अत्याचार केल्याची धक्कादायक घटना बुधवारी ता. 22 रोजी घडली असून कोणाला सांगितलीस तर तुला याच ठिकाणी जिवे मारतो अशी धमकी दिली आहे. याप्रकरणी निलंगा पोलिसांनी आरोपीला तात्काळ बेड्या ठोकल्या असून अटक केली आहे.