लॉकडाऊन : रोजगाराविना थांबला चुलीचा धूर

Nanded News
Nanded News
Updated on: 

नांदेड :  माहामारी बनून आली कोरोना, त्याने आम्हाला बाहेर काम मिळेना, कामाविना पैसा हाती येईना, पैशाविना सावकार किराना देईना, किरानाविना चूल पेटेना, चुलीविना घरात अन्न शिजेना, अन्नाविना भूक काही मिटेना... या सर्व अडचणींनी संसार नीट चालेना, अशी दुःखी जीवनाची व्यथा कहाळा बु. (ता. नायगाव) येथील निकिता तेलंगे यांनी मांडली. 

आठ जणांचे आहे कुटुंब
कहाळा बु. येथे धोबी समाजाचे रोजगार राजेश तेलंगे यांचे आठ जणांचे कुटुंब आहे. वडील गावातच इस्त्रीकाम करतात, तर राजेश व त्यांचा छोटा भाऊ शहरामध्ये मूर्ति घडविण्याचे काम करतात. आई गावातील काही घरी घुणी-भांडी करते. तसेच दोन छोट्या बहिणी असून त्या शिक्षण घेत आहेत. हा सर्व गोतावळ्याच्या संसाराचा गाडा रोजंदारीतूनच चालतो. राजेश व त्यांचा भाऊ सिजनमध्ये गणपती, दुर्गादेवीच्या मूर्ती बनविण्याचे काम करतात. हे काम जवळपास सहा- सात महिणे चालते. बाकीचे दिवस ते गावात मिळेल ते काम करतात. 

शासकीय योजनांपासून कोसोदूर
सध्या चालू असलेल्या लॉकडाऊनमुळे त्यांच्यावर खूप मोठे संकट कोसळले आहे. त्यांनी मोठ्या बहिणीचे यावर्षी लग्न करावे या हेतूने मुलाचा शोधही सुरू केला होता. मात्र, आता तेही लांबनीवर पडले आहे. या वर्षीचे मूर्ती बनविण्याचे सिजन आता कुठे सुरू होणार होते. पण लॉकडाऊनमुळे तेही स्थगित झाले आहे. घरसंसार चालवण्यासाठी त्यांनी गावात बचत गटांमार्फत कर्ज घेतले आहे. त्याचे हाप्ते फेडण्यासाठी त्यांना काम करणे आवश्‍यकच आहे. मात्र, सध्या वडिलांचेही इस्त्री दुकान बंद आहे व राजेश व त्यांच्या भावालाही काम मिळत नसल्याने त्यांचे सर्वबाजूंनी आर्थिक स्त्रोत बंदच झाले आहे. आजपर्यंत कुठल्याही शासकीय योजना त्यांच्यापर्यंत पोचलेली नाही.  

आम्ही जगावे तरी कसे?
माझ्या कुटुंबाला कशाचा आधार नसला तरी रोजगाराच्या पैशातून ते चांगले चालत होते. मात्र, सध्या लॉकडाऊनमुळे कुठेही काम मिळत नाही. त्यामुळे हातात पैसा येणे बंद झाले आहे. काही ठोक कामांसाठी बचत गटातून पैसे उचलले आहेत, त्याचे हाप्ते भरणेही आवघड जात आहे. शासनानेतर साधा गॅसही आम्‍हाला दिला नाही. आता तीन मेपर्यंत लॉकडाऊन वाढवल्याने जगावे कसे? हेच कळेनासे झाले आहे.    
- राजेश तेलंग, कहाळा बुद्रुक

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day