मराठवाड्याच्या विकासासाठी मी कटिबद्ध ; अशोक चव्हाण | Sakal
sakal

बोलून बातमी शोधा

Gangakhed railway flyover
मराठवाड्याच्या विकासासाठी मी कटिबद्ध ; अशोक चव्हाण

मराठवाड्याच्या विकासासाठी मी कटिबद्ध ; अशोक चव्हाण

गंगाखेड : महाराष्ट्रातील प्रवाशांसह वाहनचालकांच्या बहुचर्चित असलेला गंगाखेडचा रेल्वे उड्डाणपूल (Gangakhed railway flyover)तब्बल बारा वर्षाच्या प्रतीक्षेनंतर पूर्णत्वास गेला असून या रेल्वे उड्डाणपुलाचे सार्वजनिक बांधकाम मंत्री अशोक चव्हाण व इतर मान्यवरांच्या हस्ते (ता.९) जानेवारी रविवार रोजी लोकार्पण करण्यात आले. याप्रसंगी अशोक चव्हाण यांनी उपरोक्त मत व्यक्त केले.

हेही वाचा: बेळगाव : अधिकाऱ्यांना केंद्रातच थांबण्याचे आदेश

(ता.९) जानेवारी रोजी बांधकाम मंत्री अशोक चव्हाण, खा. संजय जाधव, आ. डॉ.रत्नाकर गुट्टे, आ. सुरेश वरपुडकर, आ. राहुल पाटील, आ. बाबाजानी दुर्राणी, आ. अमर राजूरकर, आ. मोहन हंबर्डे, मा. आ.डॉ. मधुसूदन केंद्रे, माजी खा. तुकाराम रेंगे आदी मान्यवरांच्या हस्ते उद्घाटन होऊन लोकार्पण करण्यात आले. पुढे बोलताना सार्वजनिक बांधकाम मंत्री अशोक चव्हाण म्हणाले की, मी मराठवाड्याचा आहे. मराठवाड्याच्या विकासासाठी मी सदैव कटिबद्ध आहे. मी मराठवाड्याच्या विकासाचा अंतर्गत कधीही भेदभाव केलेला नाही. मराठवाडा माझा म्हणून मी सदैव विकासासाठी तत्पर आहे.(Marathwada news)

हेही वाचा: बेळगाव : शाळांबाबत लवकरच निर्णय, पालकांचे लक्ष शिक्षण खात्याकडे

फळा येथील रस्ता, कौडगाव येथील पूल, रावराजुर येथील रस्ता, सुनेगाव- सायाळा येथील पुलास मंजुरी देऊन तात्काळ निधी उपलब्ध करून देणार आहे. गंगाखेड विधानसभा मतदारसंघ १२४ कामास मंजुरी देत ११६७ कोटी रुपये निधी मंजूर केलेला आहे. कार्यक्रमाचे प्रास्ताविक नांदेड सार्वजनिक बांधकाम विभागाचे अधीक्षक अभियंता अविनाश धोंडगे यांनी केले तर सूत्रसंचालन पदुदेव पालमकर यांनी केले. कार्यक्रमाच्या यशस्वीतेसाठी कार्यकारी अभियंता प्रदीप होटकर, उप अभियंता बालाजी पवार, ठेकेदार असलम खान अब्दुल गफुरखान यांच्यासह सार्वजनिक बांधकाम विभागातील कर्मचारी व ए.जी. कन्ट्रक्शनच्या कर्मचाऱ्यांनी परिश्रम घेतले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top