केज - अवैधरित्या विक्रीसाठी गुटखा घेऊन जाणाऱ्या वाहनाचा गस्तीवर असलेल्या पोलीस पथकाला संशय आल्याने वाहन थांबवून केज पोलीसांनी सात ऑगस्ट रोजी दुपारी दीड वाजण्याच्या सुमारास केज-कळंब रस्त्यावर कारवाई केली..पोलीसांनी वाहनाची तपासणी केली असता लाखो रूपयाचा गुटखा असल्याचे आढळून आले. गुटख्यासह वाहन पोलीसांनी ताब्यात घेतले असून या प्रकरणी शुक्रवारी (ता. ०८) दुपारी चौघा जणांविरोधात गुन्हा दाखल करण्यात आला आहे.केज पोलीसांना गुप्त माहिती मिळाली की, एक टेम्पो (डीडी-०१/एस-९४४२) बेकायदेशीर गुटख्याची वाहतूक करत असून तो टेम्पो कळंब शहराच्या दिशेने जात आहे. ही माहिती मिळताच पोलीस निरीक्षक स्वप्नील उनवने यांनी गस्तीवर असलेल्या सहाय्यक पोलीस निरीक्षक संदीप मांजरमे, पोलीस नाईक त्रिंबक सोपने, पोलीस हवालदार मुंडे, पोलीस अंमलदार कागदे, शेख व दराडे यांचा समावेश असलेल्या पोलीस पथकास कारवाई करण्याचे आदेश दिले..वरिष्ठांच्या आदेशानुसार राज्यात बंदी असतानाही केज-कळंब रस्त्यावर बेकायदेशीर गुटखा वाहतूक करणाऱ्या वाहनाचा गस्तीवर असलेल्या पोलीस पथकाला संशय आला. वाहनाचा पाठलाग करून गुरूवारी दुपारी दीड वाजण्याच्या सुमारास केज-कळंब रस्त्यावर वाहन एच. पी. पेट्रोल पंपाजवळ रस्त्याच्या कडेला उभी करण्यास टेम्पो चालकास सांगितले.त्यावेळी पोलीसांना पाहून एक जण पळून गेला. मात्र पोलीसांनी त्यास पकडले. टेम्पो चालक रर्ईसोद्दीन अमिरोद्दीन शेख (वय-५०) रा. मील्लतनगर, अकोला रोड, ता. जि. सतलाम, मध्यप्रदेश याच्याकडे चौकशी केली असता त्याच्या उत्तराने संशय आल्याने वाहनाची तपासणी केली असता त्यात मोठ्या प्रमाणावर लाखो रुपये किंमतीचा बेकायदेशीर गुटखा आढळून आला..पळून गेलेल्याचे नाव विचारले असता परसुराम मोहन गायकवाड (वय-२२) रा. एकनाथ नगर, ता. पाथर्डी, जि. अहिल्या नगर, हल्ली मुक्काम बीड असे सांगितले. पोलीसांनी पंचासमक्ष टेम्पोची पाहणी केली असता त्यामध्ये राज्य शासनाने प्रतिबंध केलेला गुटख्याचा माल मिळून आला.हा माल कुठून आला आणि कुठे घेऊन जात होता, याबाबत परशुराम गायकवाड यांच्याकडे विचारणा केली असता त्याने सांगितले की, जालीमसिंग रा. बेहरामपूर याने हा माल इंदोर येथून भरून दिला असून तो कळंब येथील रुपेश मालपाणी यांना देणार होतो. कारवाईच्या वेळी पाऊस सुरू असल्याने टेम्पोतील मालाची मोजदाद करणे अवघड होते..त्यामुळे गुटख्याच्या पोत्याने खचाखच भरलेला टेम्पो ताब्यात घेऊन केज पोलीस ठाण्यात आणून लावला. त्यानंतर पंचा समक्ष मोजदात केली असता वेगवेगळ्या पोत्यात भरलेला विविध प्रकारचा सुगंधित गुटखा अंदाजे किंमत ७४ लाख बावन्न हजार व २७ लाख रूपये किंमतीचा टेम्पो असा एकूण एक कोटी एक लाख बावन्न हजार रूपयाचा मुद्देमाल पोलीसांनी ताब्यात घेतला आहे..या प्रकरणी पोलीस उपनिरीक्षक उमेश निकम यांनी दिलेल्या तक्रारीवरून रर्ईसोद्दीन शेख, परसुराम गायकवाड, जालीमसिंग (पूर्ण नाव माहित नाही), व रूपेश मालपाणी या चौघांविरोधात केज पोलीस ठाण्यात गुन्हा दाखल करण्यात आला आहे.या पोलीसांच्या धाडसी कारवाईने बेकायदेशीर विक्रीसाठी जाणारा जाणारा कोट्यवधी रुपयाचा गुटखा पकडल्याने गुटखा माफियांचे धाबे दणाणले आहेत. या धाडसी कारवाई तालुक्यात चर्चा केली जात असून पोलीसांचे जनतेतून कौतुक केले जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
