देगलूर - देगलूर तालुक्यात अवैध रेती वाहतूक सुरूच असून तस्कर प्रशासन व पोलिसांना जुमानत नसल्याचे पुन्हा एकदा समोर आले आहे. कर्नाटक राज्यातुन अवैधरित्या लाल रेती वाहतूक वझर मार्गे शिळवणीकडे जात असताना मरखेल पोलिसांनी सोमवारी ता. १७ दुपारच्या सुमारास चार ट्रॅक्टरसह १४ लाख २४ हजाराचा माल जप्त केला.
पोलिसांनी अवैध रेती वाहतूक करणाऱ्या चालक व मालकावर कारवाई केली. यामध्ये वसंत तुकाराम कासले रा. औराद, सिमन उमाकांत सुर्यवंशी रा. औराद, ईसमाईल कुरेशी, सुभाष शंकर कासले, सुभाष लक्ष्मण कासले, चंद्रकांत शंकर पवार रा. कमलनगर, औराद या ट्रॅक्टर चालक व मालक यांच्यावर गुन्हा दाखल करण्यात आला आहे.
देगलूर तालुक्यातून तमलुर, सांगवी उमर, शेवाळा शेळगाव शेकापूर यासह इतर ठिकाणाहून सुरू असलेल्या अवैद्य रेती वाहतूकीवर अद्यापही प्रभावी नियंत्रण मिळवले गेलेले नाही. महसूल विभाग याकडे जाणून-बुजून दुर्लक्ष करते की काय? असा सवाल उपस्थित होत आहे.
या संदर्भात हाती आलेल्या माहितीनुसार, शेजारच्या कर्नाटक राज्यातून वझर मार्गे शिळवणी येथे अवैधरित्या रेती वाहतूक करणारे चार ट्रॅक्टर लाल रेती भरून घेऊन जात होते.
मरखेल पोलीस ठाण्यातील पोलीस निरीक्षक रवी हुंडेकर, पोलीस कॉन्स्टेबल नारायण यंगाले गस्त घालत असताना सोमवारी ता. १७ दुपारच्या सुमारास अवैध रेती वाहतूक करणाऱ्या ट्रॅक्टरला थांबून चौकशी केली असता त्यांच्याकडे रॉयल्टी भरल्याची पावती नसल्याने विनापरवाना लाल रेती वाहतूक करत असल्याचे आढळून आले.
मरखेल पोलीस स्टेशन येथे चार ट्रॅक्टर जप्त करून ट्रॅक्टर चालक व मालकावर कारवाई करण्यात आली. यामुळे गौण खनिज तस्करांचे धाबे दणाणले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.