हिंगोलीत तीन सेंटरवर 450 जणांनी घेतली कोरोना प्रतिबंधित लस

हिंगोली : आरोग्य विभागाच्या वतीने ४५ व ३० वर्षावरील नागरिकांसाठी पुन्हा लसीकरण मोहीम (Vaccination campaign) सुरू केली आहे. शहरात शनिवारी (ता. १८) तीन सेंटरवर झालेल्या लसीकरण मोहिमेत ३०० जणांनी कोव्हीशिल्ड (Coveshield) तर १५० जणांना कोव्हॅक्सीन (Covaccin) लस दिल्याची माहिती डॉ. नावेद अथहर यांनी दिली. (in hingoli, 450 people have been vaccinated on saturday)

शासनाच्या वतीने मोठ्या प्रमाणात लसीकरण मोहीम राबविण्याचा निर्णय घेतला आहे. त्यानुसार जिल्हाधिकारी रुचेश जयवंशी, जिल्हा परिषदेचे सीईओ राधाबीनोद शर्मा, जिल्हा आरोग्य अधिकारी डॉ. शिवाजी पवार यांच्या मार्गदर्शनाखाली मोठ्या प्रमाणात लसीकरण करून घेण्यासाठी आरोग्य विभागाने प्रयत्न चालविले आहेत. आजघडीला जिल्ह्यात एक लाखापेक्षा अधिक नागरिकांनी कोरोना प्रतिबंधित लस घेतली आहे. लस घेण्यासाठी ग्रामस्तरावर नागरिकांमध्ये जनजागृती केली जात आहे. त्याचाच भाग म्हणून आता शहरी भागात नागरिक लस घेण्यासाठी पुढे येत आहेत.

लसीकरण बाबत नागरिकांमध्ये येणाऱ्या शंका कुशंकाचे निरसन करण्यात आले असून लस ही तेवढेच महत्त्वाचे असल्याचा एकमेव उपाय आहे. त्यामुळे आरोग्य यंत्रणेने कोव्हीशिल्ड लस मोठ्या प्रमाणात उपलब्ध करून दिली आहे. जवसळपास ३५ हजार डोस उपलब्ध असल्याचे डॉ. शिवाजी पवार यांनी सांगितले.

शनिवारी शहरात तीन सेंटरवर ३० व ४५ वर्षावरील नागरिकांसाठी लसीकरण मोहीम राबविण्यात आली. यामध्ये माणिक स्मारक विद्यालयात १५०, कल्याण मंडपम येथे १५०, सरजू देवी भिकुलाल भारुका विद्यालयात १५० असे एकूण मिळून तीन केंद्रावर ४५० जणांनी कोरोना प्रतिबंधित लस घेतली आहे. यासाठी लसीकरण प्रमुख डॉ. नावेद अत्तर यांनी तीन ठिकाणी आरोग्य कर्मचारी नियुक्ती करून लसीकरणासाठी परिश्रम घेतले.

आता जिल्ह्यात मोठ्या प्रमाणात लसीकरण मोहीम हाती घेतले जाणार असल्याचे ही त्यांनी सांगितले. कोव्हॅक्सीन लसीचा मात्र जिल्ह्यात तुटवडा असल्याने केवळ चार ते पाच हजार डोस असल्याचे सांगितले जाते. त्या प्रमाणात कोव्हीशिल्ड जवळपास ३५ हजार डोस उपलब्ध साठा आहे. त्यामुळे पहिला व दुसरा डोस देण्यात येत आहे. नागरिकांनी लसीकरण करून घेण्याचे आवाहनही आरोग्य विभागाच्या वतीने करण्यात आले आहे. (in hingoli, 450 people have been vaccinated on saturday)