मराठा आरक्षणासाठी आमरण उपोषण करणाऱ्याची प्रकृती खालावली; तातडीने रुग्णालयात केलं दाखल

अंकुशनगर (जालना): साष्टपिंपळगाव येथे मराठा आरक्षणासाठी सुरू असलेल्या आमरण उपोषण आंदोनलनातील एका उपोषणकर्त्यांची प्रकृती खालावली आहे. त्याला शुक्रवारी (ता. २९) पहाटे पाच वाजता शहागड येथील एका खासगी रूग्णालयात त्यांना  हलविण्यात आले आहे.

मराठा आरक्षणासाठी सुरू असलेल्या जालना जिल्ह्यातील अंबड तालुक्यातील साष्टपिंपळगाव येथील राज्यव्यापी ठिय्या आंदोलनाची दखल न घेतल्याने प्रजासत्ताक दिनापासून आमरण उपोषणाला बसलेल्या दोन उपोषणकर्त्यांची प्रकृती  ता. २८ जानेवारी रोजी खालावली होती.

जुगार अड्डयावर पोलिसांचा छापा, 20 जणांवर गुन्हा दाखल; 7 लाख रुपयांचे साहित्य...

मागील तीन दिवसांपासून मराठा समाजाला आरक्षण मिळावे, यासाठी आमरण उपोषण आंदोन करत असलेल्या ६५ वर्षीय मुक्ताबाई ढेपे, मनोज जरांगे, संतोष ढवळे व बाबासाहेब वैद्य यांच्यापैकी  मनोज जरांगे, बाबासाहेब वैद्य यांची ता.२८ जानेवारी रोजी प्रकृती  खालवली होती. खासगी डॉक्टरांनी त्यांची तपासणी केली. मात्र,ता. २९ जानेवारी रोजी पहाटे पाच वाजता उपोषणकर्ते बाबासाहेब वैद्य यांचा बीपी वाढल्याने त्यांना ताबडतोब शहागड येथील एका खासगी रूग्णालयात हलविण्यात आले.

हिंगोलीत कर सल्लागार असोसिएशनचे जीएसटीच्या जाचक अटी रद्द करण्यासाठी आंदोलन

गेल्या अनेक दिवसापासून सुरू असलेले या ठिय्या आंदोलन व उपोषणाकडे सरकार व प्रशासन दुर्लक्ष करत असल्याचा आरोप मराठा आंदोलक करत आहे. प्रशासनातील एकही अधिकारी या आंदोलनस्थळी आला नसल्याने आंदोलनकर्ते रोष व्यक्त करत  आहेत.

(edited by- pramod sarawale)