Crime : बायको गावाला गेली अन् नराधमाने वृद्ध सासूवरच केला आत्याचार

जालना : जालना येथे आत्याचार केल्याची नात्याला काळीमा फासणारी धक्कादायक घटना घडली आहे. एका नराधमाने बायको गावाला गेली असताना घरात कुणी नसल्याचा फायदा घेत आपल्याच सासूवर अत्याचार केला. जालना येथील चंदनझिरा पोलीस ठाण्याच्या हद्दीत घडली असून सदर आरोपीविरोधात गुन्हा दाखल करण्यात आला आहे. घटनेनंतर आरोपी घटनास्थळावरून फरार झाला आहे.

पोलिसांनी दिलेल्या माहितीनुसार, चंदनझिरा परिसरातील एका गावातीत व्यक्तीची ६५ वर्षाची सासू लेकीकडे आणि जावयाच्या घरी राहते. तर ३८ वर्षीय जावई आणि तिची लेक एका शेतकऱ्यांकडे राखणदार म्हणून काम करतात. बुधवारी रात्री सदर वृद्धेची लेक नातेवाईकांकडे गेली होती.

ज्या दिवशी वृद्धेची लेक नातेवाईकांकडे गेली त्यादिवशी मध्यरात्री जावई दारू पिऊन घरी आला आणि झोपेत असलेल्या सासूवर आत्याचार केला. वृद्धेने प्रतिकार केला पण त्याने वृद्धेला मारहाण केली.

त्यानंतर सकाळी आपली मुलगी घरी आल्यावर वृद्धेने हा प्रकार आपल्या मुलीला सांगितला. तिने पोलिसांत दिलेल्या तक्रारीवरून आरोपीवर गुन्हा दाखल करण्यात आला असून फरार झालेल्या आरोपीचा तपास सुरू असल्याचं पोलिसांनी सांगितलं आहे.