जालना : कौटुंबिक वादातून पतीने माहेरी आलेल्या पत्नीचा गळा चिरून खून केल्याची घटना गुरूवारी (ता.दहा) सायंकाळी तालुक्यातील कुंबेफळ येथे घडली आहे. रमा संदीप कदम (वय २५) असे मयत विवाहितेचे नाव आहे. दरम्यान पती खून केल्यानंतर फरारी झाल्याचे तालुका जालना पोलिसांकडून सांगण्यात आले आहे.
कौटुंबिक वादामुळे नूतनवाडी (ता. बदनापूर) येथील विवाहित रमा संदीप कदम (वय २५) ही माहेरी राहत होती. दरम्यान, गुरूवारी दुपारी पती संशयित संदीप कदम हा रमा कदम हिच्या माहेरी कुंबेफळ येथे आला. जावई घरी आल्यानंतर घरातील इतर सदस्य आपल्या कामाला निघून गेले.
याच दरम्यान पती संदीप कदम याने धारदार शस्त्राने रमा कदम हिचा गळा चिरून खून केला. खून केल्यानंतर संदीप कदम हा फरारी झाला आहे. याबाबत माहिती मिळताच तालुका जालना पोलिस ठाण्याचे पोलिस अधिकारी, कर्मचारी घटनास्थळी दाखल झाले. घटनेचा पंचनामा केला. पोलिसांनी मृतदेह उत्तरीय तपासणीसाठी जिल्हा सामान्य रूग्णालय येथे दाखल केला आहे. फरारी संदीप कदम याचा तालुका जालना पोलिस शोध घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.