जालना - जिल्हा सामान्य रुग्णालयात खाटांची कमतरता भासल्याने फरशीवर गादी टाकून रुग्णांवर उपचार करण्याची वेळ आली. बुधवारी (ता.चार) रात्री हा प्रकार घडला..जिल्हा सामान्य रुग्णालयात सुमारे २५० खाटा आहेत. येथे शहरासह जिल्ह्यातून रुग्ण उपचार घेण्यासाठी येतात. बुधवारी (ता. चार) रात्री सर्वसाधारण कक्षात रुग्णांची संख्या अधिक होती. त्यामुळे या कक्षात खाट शिल्लक नसल्याने फरशीवर गादी टाकून तीन ते चार रुग्णांवर उपचार करण्यात आले..रुग्ण आणि नातेवाईकांनी खाटेची मागणी केल्यानंतरही ती उपलब्ध नाही, असे उत्तर डॉक्टर, परिचारिकांकडून मिळाले. दरम्यान, या प्रकरणाची चौकशी करून कारवाई केली जाईल, असे रुग्णालय प्रशासनाकडून सांगण्यात आले आहे..जिल्हा रुग्णालयामध्ये रुग्णांसाठी खाटा उपलब्ध करून दिल्या जातात. परंतु, रात्रीच्या वेळी रुग्णासह नातेवाईकही खाटेवर आराम करतात. त्यामुळे एकाच खाटेवर रुग्ण आणि नातेवाईक असा प्रकार बुधवारी रात्री पाहायला मिळाला..जिल्हा रुग्णालयात २५० खाटा उपलब्ध आहेत. एखाद्या कक्षात रुग्णसंख्या वाढली असेल तर दुसऱ्या कक्षातील मोकळ्या खाटांवर रुग्णांची व्यवस्था करण्याचे निर्देश दिलेले आहेत. बुधवारच्या प्रकरणात चौकशी करून दोषींवर कारवाई केली जाईल.- डॉ. राजेंद्र गाडेकर, अतिरिक्त जिल्हा शल्य चिकित्सक, जालना.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
