Beed Housing Scam
esakal
बीड: घरकुल लाभार्थींच्या अनुदानाची रक्कम थेट ठेकेदार आणि नगर पंचायतीच्या कर्मचाऱ्यांना नियमबाह्य वितरित करताना कुठलीही शासकीय नियमांची तमा न बाळगल्याने अधिकाऱ्यांचा इंटरेस्ट तर समोर आलाच आहे. पण, पैसे घेणाऱ्या ठेकेदारांचा वाटा, त्यांनी अवलंबलेल्या पद्धती आणि चौकशीवेळी बॅंकांची भूमिका संशयाला अधिक वाव निर्माण करत आहेत. नगर पंचायतीने दिलेले धनादेश ज्या बॅंकांत वटले त्या बॅंकांतील खातेच बंद असल्याची बाब चौकशीदरम्यान समोर आली आहे. यामागे गौडबंगाल काय, असा प्रश्न आहे.