चाकूर (लातूर): चाकूर कृषी उत्पन्न बाजार समितीच्या संचालक मंडळाची मुदत संपल्यानंतर प्रशासक नियुक्तीचा आदेश मुंबई उच्च न्यायालयाच्या औरंगाबाद खंडपीठाने रद्द ठरविला असून या आदेशानंतर सभापती प्रशांत पाटील यांनी मंगळवारी (ता.२) प्रशासकाकडून पुन्हा पदभार स्वीकारला आहे.
कृषी उत्पन्न बाजार समितीच्या संचालक मंडळाची मुदत ६ सप्टेंबर रोजी संपली होती. यानंतर १६ सप्टेंबर रोजी जिल्हा उपनिबंधकांनी संचालक मंडळ बरखास्त करून प्रशासकाची नियुक्ती केली होती. कोरोनामुळे बाजार समितीची निवडणूक घेणे शक्य होणार नसल्यामुळे त्याच संचालक मंडळाला मुदतवाढ देण्याचा प्रस्ताव शासनाकडे पाठविण्यात आला होता. तरीही प्रशासकाची नियुक्ती करण्यात आली होती.
याविरूध्द सभापती प्रशांत पाटील यांच्या अकरा संचालकांनी अॅड. एस. एस. ठोंबरे यांच्या मार्फत औरंगाबाद खंडपीठात याचिका दाखल केली होती. चाकूर बाजार समिती वगळून मुदत संपलेल्या इतर बाजार समितीच्या संचालक मंडळाला मुदत वाढ देण्यात आली होती. ही बाब खंडपीठाच्या निदर्शनास आणून देण्यात आली.
यावरून न्यायमूर्ती एस. व्ही. गंगापुरवाला व न्यायमूर्ती श्रीकांत कुलकर्णी यांनी चाकूर बाजार समितीवरील प्रशासक नियुक्तीचा आदेश रद्द ठरवला आहे. या आदेशानंतर सभापती प्रशांत पाटील यांनी प्रशासक श्री. जोगदंड यांच्याकडून सभापतीपदाचा पदभार स्वीकारला. यावेळी नगरसेवक अॅड. संतोष माने, संचालक संजय पाटील, विलास सुर्यवंशी, सरपंच मार्शल माने आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.