उजनी (लातूर): येथील शेतकरी पुत्रांच्या साखळी उपोषणाचा कालचा तिसरा दिवस होता. रविवारी (ता. सात) आशिव व बिरवली (ता. औसा) येथील शेतकऱ्यांनी उपोषण केले. यावेळी येथील आठ वर्षीय एका शेतकरी कन्येने दिवसभर उपोषणस्थळी बसून आंदोलनात उत्स्फूर्त सहभाग नोंदवत सर्वांचे लक्ष वेधून घेतले होते.
विमा कंपनी आपला मनमानी कारभार करू पाहत असून शेतकऱ्यांची मोठ्या प्रमाणावर फसवणूक केली जात असल्याचे आरोप कंपनीवर केले जात आहेत. ७२ तासांत नुकसानीची माहिती देणाऱ्या मोजक्या शेतकऱ्यांनाच कंपनी विमा देणार असल्याने शेतकरी अडचणीत सापडला आहे. कंपनीने या नियमांची जनजागृती न केल्यामुळे तालुक्यातील हजारो शेतकरी असे आहेत ज्यांना नुकसानीची माहिती विमा कंपनीला कळवावी लागते हेच माहिती नव्हते. त्यामुळे असे असंख्य शेतकरी विम्यापासून वंचित राहणार असल्याची चिन्हे आहेत. परिणामी यामुळे परिसरातील शेतकऱ्यांमध्ये चिंतेचे वातावरण आहे.
उजनीतील शेतकरी पुत्रांनी पुढाकार घेऊन मागील चार महिन्यांपासून परिसरातील गावांमध्ये पिकविमा प्रक्रियेमधील त्रुटी आणि जाचक अटीबाबत जनजागृती केली होती. विमा कृषीमंत्री दादाजी भुसे, खासदार ओमप्रकाश राजेनिंबाळकर तसेच कंपनी सोबत जिल्हा कृषी अधीक्षक कार्यालयात झालेल्या शेतकरी पुत्रांच्या बैठकीत समाधानकारक तोडगा निघाला नाही. सदर त्रुटी व अटी रद्द करण्यासाठी कंपनी सकारात्मक असल्याचे दिसून आले नव्हते. म्हणून लढा कायम ठेवत शेतकरी पुत्रांनी कंपनी विरोधात आंदोलन करण्याचा निर्णय घेतला.
दरम्यान शुक्रवार (ता. पाच) पासून शेतकरी पुत्रांचे साखळी उपोषण सुरू झाले असून आज उपोषणाचा तिसरा दिवस आहे. परिसरातील रोज एक गाव याप्रमाणे उजनी येथे साखळी उपोषण केले जात आहे. पहिल्या दिवशी उजनी आणि दुसऱ्या दिवशी एकंबी येथील शेतकऱ्यांनी उपोषणात भाग घेतला होता. रविवारी म्हणजेच तिसऱ्या दिवशी अशिव व बिरवली येथील शेतकऱ्यांनी उपोषण केले. आजच्या दिवशी बिरवली येथील संस्कृती पाटील या आठ वर्षीय शेतकरी कन्येने या आंदोलनात उत्स्फूर्तने सहभाग घेऊन विमा कंपनीने शासनाचे पंचनामे ग्राह्य धरुन विमा द्यावा अशी मागणी तिने केली. यावेळी सर्वजण तिचे कौतुक करत होते.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
