जळकोट,(जि.लातूर): कोणत्याही क्षेत्रात राहून आपला छंद जोपासणारी माणसे ध्येयवेडी असतात. एकीकडे मोठ्या परिश्रमाने वैद्यकीय शिक्षण घेत दुसरीकडे चित्रकलेचा छंद जोपासणाऱ्या डाॅ. सुषमा अजिंक्य भोपळे (फुले) यांचा आदर्श इतरांसाठी प्रेरणादायी असाच आहे. पेन्सिलीने सुंदर चित्र रेखाटन करत सर्वांचे लक्ष वेधून घेणाऱ्या सुषमाचे वडील उमरगा रेतु (ता.जळकोट) येथे जिल्हा परिषदेच्या शाळेत शिक्षक आहेत.
डाॅ.सुषमा भोपळे ही सध्या एम.बी.बी.एस.नंतर पीजी करत असून नुकताच तिचा विवाह झाला आहे. हा चित्रकलेचा छंद सुषमाने लहानपणापासून म्हणजे सहावीच्या वर्गापासून जडला तो आताही जोपासत आहे. सुषमा चित्रे पेन्सिलने रेखाटन करते. सुरुवातीला तिच्याकडे कुटुंबियांनी दुर्लक्ष केले. परंतु पुढे तिचे चित्र रेखाटन एवढे सुंदर दिसायला लागले की, भल्याभल्यांनाही त्याची भुरळ पडायला लागली.
आतापर्यंत तिने समाजसुधारक, नेते, अभिनेते, अभिनेत्री आदिंची 200 च्या वर चित्र पेन्सिलने रेखाटन केलेली आहेत. यात देवदेवतांची ज्यात गणपती, महादेव, याबरोबरच छत्रपती शिवाजी महाराज, महात्मा ज्योतिबा फुले, नाना पाटेकर, विलासराव देशमुख, रितेश देशमुख, दीपिका पदुकोन, मधुबाला, अक्षय कुमार,आदिंचा समावेश असून चित्रे पेन्सिलने हुबेहुब, आकर्षक, मनमोहक अशी आहेत.
तिने पहिले चित्र श्रीकृष्णाचे काढले होते. त्यावेळी गुरुजींनी शाबासकीची पाठीवर मारलेली थाप प्रेरणा देणारी ठरली. असा अनुभव तिचे वडिल सुधाकर फुले सांगतात. ते उमरगा रेतु (ता.जळकोट) येथे शिक्षक आहेत.
सुषमाचे प्राथमिक शिक्षण वडिलांच्या बदलीमुळे जिल्हा परिषदेच्या दिग्रस (बू) (ता.कंधार जि.नांदेड) येथील शाळेत झाले. तर लहाणपणापासूनच हुशार असल्याने स्पर्धा परिक्षेत यश मिळाल्यामुळे नवोदय विद्यालय नांदेड येथे झाले. तर बारावी राजर्षी शाहू कॉलेज लातूर येथून पूर्ण केले.तर एम बी बी एस चे शिक्षण विलासराव देशमुख शासकिय वैद्यकिय महाविद्यालयात पूर्ण केले. तर सध्या पीजी औरंगाबाद येथे करत असल्याचे वडिलांनी सांगितले.
वैद्यकीय क्षेत्रात शिक्षण घेत चित्रकलेचा (पेन्सिलने रेखाटन) जगावेगळा छंद जोपासणारी डाॅ.सुषमा भोपळे-फुले ही सर्वांच्या कौतुकाचा विषय ठरली आहे.
"सुषमा लहाणपणी खड्यांचा खेळ खेळताना मी तिला एक चित्रकलेची वही आणून दिली व चित्रे काढायला सांगितले. तिने सुंदर चित्र रेखाटन करायला सुरवात केली. तेंव्हापासून तिला हा छंद जडला आहे. कुठलाही कोर्स न करता शाळेत केवळ चित्रकला परीक्षा उतिर्ण आहे. अनेक चित्रांचे पेन्सिलने रेखाटन तिने सुंदरपणे केले आहे. अनेकांनी त्याचे कौतुक केले आहे. याचा मला अभिमान वाटतो" - सुधाकर फुले (वडील)
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
