भरघोस निधी देऊन परभणीचा विकास करू ; मुख्यमंत्र्यांचे आश्‍वासन 

new
new
Updated on: 

परभणी : जिल्ह्यात सप्टेंबरमध्ये झालेल्या पावसामुळे सर्वच शेतकऱ्यांच्या पिकांचे नुकसान झाले. केवळ अतिवृष्टीग्रस्त गावांचे पिक पंचनामे न करता सरसकट सर्व गावातील पिकांचे पंचनामे करण्यात यावेत अशी मागणी गुरुवारी (ता.एक)आमदार डॉ.राहुल पाटील यांनी मुंबई येथे मुख्यमंत्री उद्धव ठाकरे यांच्याकडे केली. या वेळी आमदार पाटील यांनी परभणीच्या विविध प्रलंबित मागणीसाठी निधीची मागणी केली. याला प्रतिसाद देत मुख्यमंत्री श्री.ठाकरे यांनी परभणीच्या विकासासाठी भरीव निधी देवू असे आश्‍वासन दिले. 

आमदार डॉ. राहुल पाटील यांनी नगरविकास विभागांतर्गत परभणी येथे नवीन अभ्यासिका केंद्र उभारणे ७.५० कोटी, परभणी येथे नवीन तारांगण व विज्ञान केंद्र उभारणे १८.७५ कोटी रुपये निधीची गरज असल्याचे सांगितले. तसेच परभणी येथे नवीन नाटयगृहाचे काम सुरु झाले असून ते काम पुर्ण करण्यासाठी २१ कोटी निधी लागत आहे. त्यासाठी आतापर्यंत दहा कोटी निधी मिळाला आहे. उर्वरित ११ कोटी निधी लवकर मंजूर करावा अशी मागणी या वेळी केली. 

अल्पसंख्याक शासकीय तंत्रनिकेतन बांधकामासाठी निधी द्या
पर्यटन विभागांतर्गत परभणी येथे नवीन मत्स्यालय १९.५० कोटी निधी देण्यात यावा. उच्च व तंत्र शिक्षण विभागांतर्गत स्वामी रामानंद तिर्थ मराठवाडा विद्यापीठाचे परभणी येथे उप परिसर (सब कॅम्पस) स्थापन करण्याचा प्रस्ताव सचिवांकडे मंजुरीसाठी पाठवला आहे. या प्रस्तावास मान्यता द्यावी व उप परिसर इमारतीसाठी निधी उपलब्ध करुन देण्यात यावा अशी विनंती केली. तसेच परभणी येथे मंजुर असलेल्या अल्पसंख्याक शासकीय तंत्रनिकेतनच्या बांधकामासाठी ५० कोटी रुपये निधी उपलब्ध करुन द्यावा. वैद्यकीय शिक्षण विभागांतर्गत परभणी येथे प्रस्तावीत शासकिय मेडीकल कॉलेजसाठी समन्वयक अधिकारी नियुक्त करण्यात यावा अशीही मागणी केली. 

अतिरीक्त नवीन २५० वीज वितरण रोहीत्रांची आवश्यकता 
परभणी जिल्हा अंतर्गत कृषि हंगामात वीज रोहीत्रावर पडणाऱ्या अतिरीक्त भारामुळे वीज रोहीत्र नादुरुस्त होण्याचे प्रमाण वाढत असून त्या संबंधाने तत्काळ वीज रोहित्र दुरुस्त करुन वीजपुरवठा पुर्ववत व सुरळित करण्यासाठी आवश्यक एवढे तेल उपलब्ध होणे गरजेचे आहे. होणाऱ्या वीज पुरवठया समस्या टाळण्यासाठी अतिरीक्त नवीन २५० वीज वितरण रोहीत्रांची आवश्यकता आहे. परभणी जिल्ह्यांतर्गत ग्रामीण व शहरी भागांमध्ये नविन वसाहतीमध्ये वीज वितरण वाहिन्या उभारणी करीता १५ कोटी निधीची आवश्यकता आहे. समसापुर (ता.परभणी) येथे ३३ केव्ही उपकेंद्राकरिता शासकीय गायरान जमीन उपलब्ध आहे. सदरील ठिकाणी ३३ के. व्ही मंजूर झाल्यास ग्रामीण भागातील वीजेच्या समस्या कमी करण्यास मदत होईल असे आमदार डॉ.पाटील यांनी मुख्यमंत्री श्री. ठाकरे यांना सांगितले. 

संपादन ः राजन मंगरुळकर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day