अंबड - जालना जिल्हयातील अंबड -जालना महामार्गावरील हारतखेडा फाट्याजवळील जिनिंग समोर ट्रक व कारचा भीषण अपघात झाल्याची घटना गुरुवारी (ता. 29) पहाटे साडे पाच वाजेच्या दरम्यान घडली आहे. यामध्ये कारमधील पाच प्रवाशी गंभीर झाल्याची घटना घडली आहे..याबाबत सविस्तर माहिती अशी की, गुरूवारी भल्या पहाटे नागपूर येथील भक्तगण देवदर्शन करण्यासाठी जालना शहराकडून तुळजापूरकडे कार क्रमांक एम. एच.32 ए. एच.9326 ने जात असताना व अंबड शहराकडून जालना शहराकडे भंगार घेऊन जाणारा ट्रक क्रमांक एम. एच.20 इ. जी. 6977 चा चालकाने भरधाव वेगाने व निष्काळजीपणाने चालवून देवदर्शनासाठी जाणाऱ्या भक्ताच्या कारला जालना - अंबड महामार्गावरील हारतखेडा फाटयाजवळील जीनिंग समोर जोराची धडक दिली..या अपघातामध्ये कार चक्काचूर झाली आहे. कारमधील विजय नखाते, नीलिमा नखाते, श्रावणी नखाते, सुनीता ढोबळे, प्रियंका अटवार हे पाचजन गंभीर जखमी झाल्याने त्यांना तत्काळ अंबड पोलिसांना घटनेची माहिती मिळताच अंबड पोलिस ठाण्याचे प्रभारी सहाय्यक पोलीस निरीक्षक अमोल गुरले, पी. सी. मंडलिक, खूनेसह आदी पोलिस कर्मचारी यांनी घटनास्थळी तात्काळ धाव घेऊन नातेवाईक व ग्रामस्थांच्या मदतीने जालना येथे अपघातातील जखमीला उपचारासाठी रुग्णालयात पाठविले..जखमींना कोणतीही मदत न करता ट्रॅक चालकाने घटनास्थळावरून पलायन केले. अंबड पोलिस ठाण्यात नागपूर येथील साईबाबानगर खरबी येथील नथू दशरथ ढोबळे यांनी दिलेल्या फिर्यादीवरून ट्रक चालकावर दखलपात्र गुन्हा दाखल करण्यात आला आहे. या घटनेचा तपास पोलीस हेड कॉन्स्टेबल डोईफोडे हे करत आहे. अशी माहिती ठाणे अंमलदार घाणे यांनी दिली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
