मराठा आंदोलनाचा मुद्दा आता मोठ्या प्रमाणावर चर्चेत आला आहे. आधी शांततेत सुरू असलेल्या आंदोलनाला हिंसक वळण लागलं आहे. राज्याच्या अनेक भागांमध्ये बस फोडण्यात आल्या, जाळण्यात आल्या आहेत. तर बीड जिल्ह्यात मराठा समाज आक्रमक झाला आहे. बीडमध्ये अनेक ठिकाणी जाळपोळीच्या घटना घडल्या आहेत.
यापार्श्वभूमीवर बीडमध्ये संचारबंदीचे आदेश जारी करण्यात आले आहेत. बीडच्या जिल्हाधिकारी दीपा मुंडे यांनी तात्काळ संचारबंदीची घोषणा केली आहे. दीपा मुंडे म्हणाल्या की, जिल्ह्यातील सध्याची परिस्थिती पाहता हा निर्णय घेण्यात आला आहे. त्याचबरोबर सोशल मिडियामुळे आंदोलन आणकी पेटू नये यासाठी बीडमध्ये १ नोव्हेंबर पर्यंत इंटरनेट सेवा बंद करण्यात आली आहे.
बीडनंतर आता धाराशिवमध्ये संचारबंदी
मराठा आरक्षणाच्या मागणीवरून सुरू असलेल्या आंदोलनाला धाराशिव जिल्ह्यात हिंसक वळण लागलं आहे. एसटी बसेसवर दगडफेक, बस जाळणे, तहसीलदारांच्या गाडीवर हल्ले, लोकप्रतिनिधींच्या घरांवर हल्ले, तोडफोड आणि जाळपोळीच्या घटनांमध्ये वाढ झाली आहे.
धाराशिव जिल्ह्यात अनेक ठिकाणी हिंसक आंदोलन होऊन खासगी मालमत्तेचे मोठ्या प्रमाणात नुकसान झाले आहे. या पार्श्वभूमीवर कायदा व सुव्यवस्थेचा विचार करता जिल्हाधिकाऱ्यांनी आज जिल्ह्यात संचारबंदी लागू करण्याचा निर्णय घेतला आहे. या संदर्भात नुकतेच त्यांनी आदेश जारी केले आहे.
राज्यभरात मध्यरात्रीपासून या मराठा आरक्षणासाठी करण्यात येत असलेल्या आंदोलनाला अनेक ठिकाणी हिंसक वळण लागले. एसटी बसेस तसेच शासकीय अधिकाऱ्यांच्या वाहनांना आग लावण्याचे, लोकप्रतिनिधींच्या घरांवर हल्ले करण्याचे प्रकार घडले. काही ठिकाणी कार्यालयांवर दगडफेक करून आग लावण्याचे प्रकार घडले. फोटोंना काळे फासण्यात आले, शासकीय आणि खासगी कार्यालयांचे मोठ्या प्रमाणावर नुकसान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
