Maratha Reservation : साखळी उपोषणास बसलेल्या व्यक्तीचे हृदयविकाराने निधन सिंदगी येथील घटना

हिंगोली - येथे मराठा समाजाच्या आरक्षण मागणीसाठी साखळी उपोषणामध्ये बसलेल्या एका व्यक्तीला हृदयविकाराचा झटका आल्याने त्याचे निधन झाल्याची घटना शनिवारी ता.चार घडली आहे.

याबाबत पोलीस सूत्राकडून मिळालेल्या माहितीनुसार आखाडा बाळापूर पोलीस ठाणे हद्दीत येणाऱ्या सिंदगी येथे मराठा समाजाला आरक्षण मिळावे या व मनोज जारंगे यांच्या उपोषणाला पाठिंबा दर्शवत सिंदगी या गावांमध्ये मागच्या काही दिवसापासून साखळी उपोषण सुरु आहे.

नुकताच मनोज जरांगे यांनी उपोषण मागे घेतल्यानंतरही सिंदगी गावांमध्ये साखळी उपोषण सुरूच आहे , साखळी उपोषण मध्ये शनिवार गावातील प्रकाश नामदेव मगर वय ६० वर्ष हे देखील उपोषणास बसले होते संध्याकाळी च्या सुमारास त्यांना अचानक चक्कर आल्याने

त्यांना जवळच असलेल्या पोतरा येथील प्राथमिक आरोग्य केंद्रामध्ये दाखल केले असता डॉ. मदन गारोळे यांनी प्राथमिक उपचार करून ताबडतोब त्यांना हिंगोली येथील रुग्णालयात पुढील उपचारासाठी पाठवले असता हिंगोली येथील रुग्णालयातील डॉक्टरनी मृत्यू झाला असल्याचे सागितले .

प्रकाश नामदेव मगर उपोषणाला सिदगी गाव मध्ये बसले असता त्यांचा हृदयविकाराचा झटके येऊन निधन झाल्याने गावात सर्वत्र हळहळ व्यक्त होत आहे मनमिळाव स्वभावाचे असलेले प्रकाश मगर यांच्या निधनाने सिदगी गावात शोककळा पसरली आहे.