औरंगाबाद - सिडको एन - दोन येथील कम्युनिटी सेंटरमधील खोली भाड्याने देण्याच्या कारणावरून नगरसेवक राज वानखेडे व उपायुक्त रवींद्र निकम यांच्यात जोरदार खडाजंगी झाल्याचा प्रकार बुधवारी (ता. सात) दुपारी घडला. प्रकरण हातघाईवर आल्यानंतर इतरांनी मध्यस्थी केली. मात्र प्रकरण पोलिस ठाण्यापर्यंत गेले आहे. स्थायी समिती सभापतींच्या दालनात हा प्रकार घडला.
सिडको एन - दोन मधील कम्युनिटी सेंटरची एक खोली रोज दोन तासांसाठी प्रति महिना एक हजार रुपये भाडे आकारुन देण्यास स्थायी समितीने मंजुरी दिली आहे. मात्र यापूर्वी अडीच हजार रुपये भाडे ठरल्याचे उपायुक्त रवींद्र निकम यांचे म्हणणे आहे. दरम्यान बुधवारी स्थायी समितीची बैठक संपल्यानंतर सभापती गजानन बारवाल यांच्या दालनात याबाबत श्री. वानखेडे यांनी श्री. निकम यांच्याकडे विचारणा केली. स्थायी समितीने दर निश्चित केल्यानंतर तुम्हा खोडा का घालता? अशा जाब त्यांनी विचारला. त्यावरुन दोघांमध्ये चांगलीच खडाजंगी झाली. एकमेकांच्या अंगावर दोघे धावून गेल्याने सभापतींसह इतरांनी मध्यस्थी करत वाद मिटविण्याचा प्रयत्न केला. मात्र परस्पर विरोधी तक्रारी दाखल करण्यासाठी दोघांनी सिटीचौक पोलिस ठाणे गाठले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
