Marathwada Thunderstorm Tragedy Five People Die After Lightning Strikes During Field Work In Chhatrapati Sambhajinagar
sakal
पिशोर/सिल्लोड (जि. छत्रपती संभाजीनगर): कन्नड आणि सिल्लोड तालुक्यात गुरुवारी (ता. १७) दुपारी विजांच्या कडकडाटासह वादळी पावसाने कहर केला. शेतातून घरी परतरणाऱ्या, पावसापासून बचाव करण्यासाठी आडोसा शोधणाऱ्यांवर वीज कोसळून तीन मजूर महिलांसह शेतकरी दांपत्याचा जागीच मृत्यू झाला. पिशोर (ता. कन्नड) आणि दहिगाव (ता. सिल्लोड) येथे घडलेल्या या घटनांत चार जण गंभीर जखमी झाले.
