Marathwada Rabi Sowing Affected
छत्रपती संभाजीनगर : यंदा दुष्काळी स्थितीचा परिणाम रब्बी हंगामावरही दिसत आहे. जमिनीत पुरेसा ओलावा नाही, सिंचनासाठी पाण्याची उलब्धता नाही व आर्थिक अडचणींमुळे शेतकऱ्यांनी रब्बीच्या पेरणीला अपेक्षित वेग दिला नाही. मराठवाड्यातील छत्रपती संभाजीनगर, जालना व बीड या तीन जिल्ह्यांत रब्बी पिकांचे क्षेत्र सात लाख २७ हजार ५७५ हेक्टर असताना १३ नोव्हेंबरपर्यंत केवळ एक लाख तीन हजार ९८८ हेक्टरवर उद्दिष्टाच्या अवघी १४.२९ टक्केच पेरणी पूर्ण झाली.
