Beed Crime: नृत्यकलेच्या नावाखाली अल्पवयीन मुलीचे अपहरण; पोलिसांकडून सुटका, केज येथील कला केंद्र पुन्हा एकदा वादाच्या गर्तेत

केज (जि. बीड) : नृत्याचे प्रशिक्षण देण्याच्या बहाण्याने एका अल्पवयीन मुलीला केज येथील कला केंद्र चालवणाऱ्या महिलेने बनावट कागदपत्रांच्या आधारे बीडच्या बालगृहातून सोडविले आणि तिला केजमध्ये नेले..यात मुलीचे अपहरण केल्याचा आरोप मुलीच्या आईने केला आहे. या प्रकरणी छत्रपती संभाजीनगर येथून गुन्हा वर्ग झाल्यानंतर केज (जि. बीड) पोलिस ठाण्यात गुरुवारी (ता. सात) दोघांविरोधात गुन्हा दाखल करण्यात आला. यानंतर केज पोलिसांनी तिची सुटका केली. नंतर मुलीची रवानगी बीड येथील बालगृहात करण्यात आल्याची माहिती पोलिस निरीक्षक स्वप्निल उनवणे यांनी दिली..छत्रपती संभाजीनगर शहरातील, १४ वर्षीय मुलगी आईबरोबर राहते. आई धुणीभांडी करून कुटुंबाचा उदरनिर्वाह करते. मुलीला नृत्याची आवड असल्याने तिने मैत्रिणींसोबत केज तालुक्यातील लक्ष्मी थिएटर कला केंद्रात नेहा बीडकरकडे प्रवेश घेतला. काही दिवसांपूर्वी या कला केंद्रावर पोलिसांनी छापा टाकला असता सदर अल्पवयीन मुलगी आढळून आल्याने पोलिसांनी तिची रवानगी बालसुधारगृहात केली होती. .कला केंद्र चालवणाऱ्या नेहा बीडकरने मुलीच्या वयाचे बनावट पुरावे तयार करून ती सज्ञान असल्याचे सांगत बालगृहातून ताबा मिळवल्याचे छाप्यात उघड झाले होते. दरम्यान, मुलीची आई तिला भेटायला कला केंद्रावर गेली असता मुलीने घरी परत येण्याची इच्छा व्यक्त केली. परंतु, नेहा बीडकरने सात हजार रुपयांची मागणी केली आणि पैसे दिल्याशिवाय मुलीला सोडणार नाही, असे सांगितले. .पैसे नसल्याने आईने मुलीला परत आणले नाही. दरम्यान, गुरुवारी (ता. सात) मुलीने आईला फोन करून नेहा बीडकर घरी येऊ देत नसून हैदराबादला घेऊन जात आहे, असे सांगितले. त्यानंतर घाबरलेल्या आईने तत्काळ पुंडलिकनगर (जि. छत्रपती संभाजीनगर) पोलिसांत धाव घेत मुलीचे अपहरण केल्याची तक्रार दाखल केली. या प्रकरणी पोलिस निरीक्षक स्वप्नील उनवणे यांच्या मार्गदर्शनाखाली सहायक पोलिस निरीक्षक संदीप मांजरमे तपास करीत आहेत..वडील दहा वर्षांपूर्वी सोडून गेले...या १४ वर्षीय मुलीचे वडील तिच्या आईला आणि तिला दहा वर्षांपूर्वी सोडून गेलेले आहेत. आई धुणीभांडी करून उपजीविका चालवते. पडेगाव परिसरातील एका प्रशालेत आठवीमध्ये ती शिक्षण घ्यायची. परंतु, तिला शिक्षणात रस नव्हता. तिला नृत्य शिकायचे होते. मला पण तुझ्यासारखे कष्ट करून मोठे व्हायचे, यानंतर आपण आपले घर बांधू, अशी ती आईला म्हणायची. यानंतर पाच-सहा मैत्रिणींसह ती एप्रिल २०२५ मध्ये गारखेडा परिसरात राहायला आली. काही दिवसांनी पीडितेने आईला फोन करून आपल्याला इव्हेंटचे काम मिळाले आहे आणि सोबत डान्स पण शिकणार असल्याचे सांगितले. .त्यासाठी सर्व मुली बीडला जाणार असल्याचेही म्हणाली. काही दिवसांनी तिने एका क्रमांकावरून फोन करत केज येथील लक्ष्मी थिएटरला असल्याचे आईला सांगितले होते. १२ एप्रिलरोजी तिने फोन करून मैत्रिणीची आजी वारली आहे, अंत्यसंस्कारासाठी शहरात येणार असल्याचे सांगितले. येथे नेहा बीडकर, तिचा पती आणि मैत्रिणी संभाजीनगरात आल्या. काही वेळ थांबल्या. यावेळी नेहा आपली बॉस असल्याचे तिने सांगितले. मुलगी कशी राहते, हे पाहण्यासाठी आई १४ एप्रिलरोजी केज येथे गेली..तेव्हा तिने मला इथे राहायचे नाही, असे सांगितले; परंतु मुलीला घरी न्यायचे असेल तर ७ हजार रुपये आणून द्यावे लागतील, अशी मागणी नेहाने केली. त्यामुळे मी पैसे घेऊन येते तोवर तू इथेच राहा, अशी तिची आई म्हणाली. यानंतर या ठिकाणी छापा पडल्याने पोलिसांनी तिची रवानगी बालगृहात केली. इथून नेहानेच तिला बालगृहातून सोडविले. त्यासाठी मी पैसे भरले, तुझ्या आईकडून पैसे घेऊन ये, मग मी तुला सोडते, असे सांगितले. गुरुवारी (ता. सात) मुलीने आईला फोन केला, तू येऊ नको, मी आता केज इथून हैदराबादला जाणार असल्याचे सांगत फोन कट झाला. त्यानंतर घाबरलेल्या आईने संभाजीनगर पोलिसांत धाव घेतल्यानंतर हा सर्व प्रकार उघड झाला..Rohit Pawar: आरोप करण्यापेक्षा ‘एसआयटी’ लावा; रोहित पवार यांचे पडळकर यांना आव्हान.सुधारगृहाचे अधिकारी संशयाच्या भोवऱ्यातसुधारगृहाच्या अधिकाऱ्यांनी अल्पवयीन मुलीला तिच्या आईच्या ताब्यात न देता बनावट कागदपत्रांच्या आधारे नेहा बीडकर या महिलेच्या ताब्यात दिले कसे? या प्रक्रियेत सुधारगृहाचे अधिकारी सहभागी होते का, असा गंभीर प्रश्न निर्माण झाला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories