नांदेड : धुळे जिल्ह्यात 89 तलवारी जप्त करण्यात आल्याचं प्रकरणा ताजं असताना आता नांदेडमध्ये आज 25 तलवारी जप्त करण्यात आल्या आहेत. एका रिक्षामधून या तलवारी नेल्या जात असताना पोलिसांनी पाठलाग करुन एका दुकान मालकाला आणि एका मुलाला पकडण्यात आलं आहे.
(25 swords found in an Auto by police in Nanded)
काल धुळ्यात एका स्कॉर्पिओ गाडीमधून 89 तलवारी पकडण्यात आल्या असून त्यामध्ये वाहनासह 89 तलवारी व खंजीर जप्त केला असताना आज नांदेडमध्ये 25 तलवारी जप्त करण्यात आल्या आहेत. एका रिक्षामधून या तलवारी नेल्या जात असताना या रिक्षाचा पोलिसांनी पाठलाग केला आणि त्यांना पकडत एक मुलगा आणि एका दुकाना मालकाला ताब्यात घेण्यात आल्याची माहिती पोलिस निरीक्षक प्रमोदकुमार शेवाळे यांनी दिली आहे.
दरम्यान पोलिसांनी या घटनेची प्रेसनोट जारी करत सांगितलं की, गुन्हे शोध पथकातील पोलिस अधिकारी आणि कर्मचाऱ्यांना मिळालेल्या गोपनीय माहितीच्या आधारे गोकुळनगर चौकातून हिंगोली गेटकडे जाणाऱ्या रिक्षाचा पोलिसांनी पाठलाग केला. त्यानंतर रिक्षा थांबवून चौकशी केली असता त्यामध्ये विविध खोक्यात ठेवलेल्या 25 तलवारी पोलिसांना आढळल्या. चौकशीत रिक्षाचालकाने या तलवारी हरप्रितसिंग जसपालसिंग या दुकानदाराच्या असल्याचं सांगितलं होतं. त्यानंतर रिक्षाचालक शिवाजी गोरकवाड (19) आणि हरप्रितसिंग जसपालसिंग (41) या दोघांना पोलिसांनी अटक केली असून त्यांच्यावर गुन्हा दाखल करण्यात आला आहे. पुढील तपास सुरु असल्याची माहिती पोलिस निरीक्षक प्रमोदकुमार शेवाळे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
