नांदेड : नांदेड ते मुदखेड मार्गावरील इजळी पाटीजवळ भीषण अपघात अपगातात पाच जणांचा मृत्यू झाल्याची घटना समोर आली आहे. सिमेंटने भरलेल्या ट्रकने ॲपे रिक्षाला जोरदार धडक दिल्याने हा अपघात झाला.
या भीषण अपघातात ४ जणांचा जागीच तर एका महिलेचा उपचारादरम्यान मृत्यू झाला. मृतांमध्ये एक लहान मुल आणि वृद्ध व्यक्तीचा समावेश आहे.
साम टीव्हीने दिलेल्या वृत्तानुसार, आज (३० मार्च) सकाळी नांदेड ते मुदखेड या मार्गावर १५ जणांना घेऊन जाणाऱ्या मजूरांच्या ऑटो रिक्षाला ट्रकने उडवले. नांदेड कडून भरधाव येणाऱ्या सिमेंटने भरलेल्या ट्रकने रिक्षाला जोरदार धडक दिली. यात रिक्षा दूरवर फेकली गेली.
या अपघातात ४ प्रवाशांचा जागीच तर एका महिलेचा उपचारादरम्यान मृत्यू झाला. अन्य ६ प्रवाशी गंभीर जखमी झाले असून जखमींवर नांदेडच्या शासकीय रुग्णालयात उपचार सुरु आहेत.
मिळालल्या माहितीनुसार ॲपेरिक्षामध्ये जवळपास १५ प्रवाशी होते. हे सर्व जण वाजेगाव येथे मजुरीसाठी जात होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.