भूम (जि.उस्मानाबाद) ः सलगच्या दुष्काळी स्थितीमुळे शेतकऱ्यांचे अर्थकारण कोलमडले आहे. गतवर्षीप्रमाणे यंदाही पावसाने ओढ दिल्याने पिण्याच्या पाण्यासह चाऱ्याचा प्रश्न भेडसावत आहे. त्यामुळे दुष्काळी स्थितीतून मुक्ती मिळण्यासाठी मोठा पाऊस पडू दे, असे साकडे घालत शहरातील मुस्लिम समाजबांधवांनी रविवारी (ता.एक) अहमदनगर रोडवरील ईदगाह मैदानावर विशेष सामुदायिक नमाज अदा केली
.
गेल्या दहा वर्षांपासून भूम तालुक्यात पावसाचे प्रमाण कमी झाले आहे. परिणामी या भागातील नदी, नाले, तलाव कोरडे पडले आहेत. जनावरांना पिण्याचे पाणी, चारा उपलब्ध नसल्याने पशुधन कसे सांभाळायचे असा प्रश्न शेतकऱ्यांना भेडसावत आहे.
चारा, पाण्याअभावी मुक्या जनावरांचे हाल होत असल्याने शहरातील मुस्लिम समाजबांधवांनी शुकवारी (ता.30) नमाज अदा करीत मोठ्या पावसासाठी प्रार्थना केली; तसेच रविवारी ईदगाह मैदानावर पशुधनाला सोबत आणून मुबलक पावसासाठी नमाज अदा करून प्रार्थना केली. ही प्रार्थना सलग तीन दिवस करणार असल्याचेही मुस्लिम समाजातील नागरिकांनी सांगितले. यावेळी मुस्लिम बांधव मोठ्या संख्येने उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
