लातूर : येथे नॅशनल इंटिग्रेटेड मेडिकल असोसिएशनच्या (निमा) लातूर शाखेच्या वतीने शनिवारी (ता.२०) दोनदिवसीय निमाकॅान अॅण्ड हेल्थ एक्स्पो २०२४ या राज्यस्तरीय परिषदेचे उद््घाटन आमदार अभिमन्यू पवार यांच्या हस्ते झाले.
अध्यक्षस्थानी संघटनेचे केंद्रीय अध्यक्ष डॉ. आशुतोष कुलकर्णी होते. डॉ. अश्विन वळसंगकर (सोलापूर), केंद्रीय कोषाध्यक्ष डॉ. शांतीलाल शर्मा, राज्याचे अध्यक्ष डॉ. तुषार सूर्यवंशी, सचिव डॉ. मोहन येंडे, डॉ. विनायक टेंभुर्णीकर, उपाध्यक्ष डॉ. गजानन पडघन, डॉ. शैलेश निकम, डॉ. अनुश्रीमुंडेवाडी, डॉ. वैशाली पडघन, लातूर शाखेचे अध्यक्ष डॉ. मनोज देशमुख, सचिव डॉ. महेश सांडूर, डॉ. महेश कदम आदी उपस्थित होते.
यावेळी डॉ. सी. एन. जोशी, डॉ. एस. जे.कडतने, डॉ. आर. के. पाटील, डॉ. व्ही. एम. वांजरखेडकर व डॉ. ए. जी. जोशी यांना जीवन गौरव पुरस्कार देऊन सन्मानित करण्यात आले. आयुर्वेद ही प्राचीन चिकित्सापद्धती आहे. प्रत्येक जिल्ह्यात आयुष रुग्णालय होत आहेत. या संघटनेच्या काही मागण्या आहेत.
त्या सोडवण्यासाठी सरकार दरबारी आपण वकिली करू, अशी ग्वाही आमदार पवार यांनी यावेळी दिली. लातूर शाखेचे अध्यक्ष डॉ. मनोज देशमुख यांनी प्रास्ताविक केले. तर आभार डॉ. महेश सांडूर यांनी मानले. रविवारी या परिषदेचा समारोप होणार आहे. या परिषदेकरिता डॉ. संजय जोशी, डॉ. विनोद कोराळे, डॉ. प्रमोद हातागळे, डॉ. दयानंद मोटेगावकर, डॅा. सुरेखा कलशेट्टी, डॅा. संगीता जिरे आदींनी पुढाकार घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
