तुळजापूर (जि.उस्मानाबाद) : आमचे घर पाण्यात गेले हो अशा शब्दात गोकुळबाई अरूण गिरी या अपसिंगा (ता.तुळजापूर) येथील वेशीच्या बाहेर राहणाऱ्या महिलेने विरोधी पक्षनेते देवेंद्र फडणवीस यांच्याकडे कैफियत मांडली. मंगळवारी (ता.२०) कामठा (ता.तुळजापूर) येथून तुळजापूर शहराकडे येताना श्री.फडणवीस हे अपसिंगा येथे अतिवृष्टीची पाहणी करण्यासाठी आले होते. गोकुळबाई अरूण गिरी या महिलेने सकाळी साडेदहा वाजण्याच्या सुमारास विरोधी पक्षनेते देवेंद्र फडणवीस यांच्या समोर अतिवृष्टीने नुकसान झाल्याची कैफियत मांडली.
श्री फडणवीस यांच्या कारचे सारथ्य आमदार राणाजगजितसिंह पाटील हे करीत होते. श्री फडणवीस हे गाडीतुन उतरल्यानंतर अपसिंगा येथील विहिरीजवळ उतरले. त्यानंतर लवाजम्यासह पुढे गेले. त्यानंतर परत फिरून गोकुळबई गिरी या महिलेच्या घरापर्यंत गेले. यावेळी गोकुळबाई म्हणाल्या की, माझ्या तीन मुलांची घरे पाण्यात गेली आहेत. आम्हाला उदरनिर्वाहाचे साधने नाहीत. घरामध्ये तीन-तीन लहान लेकरे आहेत. आमचे झालेले नुकसान भयावह आहे.
आमच्याकडे उदरनिर्वाहाचा कोणताही मार्ग नाही. यावेळी मीराबाई पुरी यासह अन्य ही महिलांनी श्री फडणवीस यांना अतिवृष्टीची माहिती सांगितली. यावेळी मोठी गर्दी झाली होती. यावेळी माजी मंत्री तथा आमदार संभाजी पाटील निलंगेकर, जिल्हा परिषदेच्या अध्यक्षा अस्मिता कांबळे, आमदार राणाजगजितसिंह पाटील, भाजपचे जिल्हाध्यक्ष नितीन काळे, दत्ता कुलकर्णी, तालुकाध्यक्ष संतोष बोबडे, अपसिंगा येथील सरपंच शंकर गोरे आदी उपस्थित होते. विरोधी पक्षनेते यांचा दौरा कामठा येथे झाला. कात्री येथील हद्दीवरून श्री फडणवीस अपसिंगा येथे गेले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
