परळी वैजनाथ, (जि. बीड) - ‘माझे पिता आणि आपले नेते, गोपीनाथ मुंडे हे पुण्यात्मा होते. त्यांनी आयुष्यभर कोणाचेही वाईट चिंतले नाही. लोकनेत्याला स्मृतिदिनी अभिवादन करण्यासाठी सर्व भावंडे, सर्व परिवार गोपीनाथगडावर एकत्र आहे..गाडी, संपत्ती, पैसा हे वैभव म्हणजे नाही तर लाखोंचा जनसमुदाय आणि त्यांचे हे प्रेम हे खऱ्या अर्थाने आमच्या परिवाराचे वैभव आहे. कितीही यातना भोगण्याची वेळ आली तरी त्या जनतेच्या प्रेमासाठी आम्ही यातना भोगायला तयार आहोत. मात्र, या वैभवाला कोणाची दृष्ट लागू नये,’ अशी आशा पर्यावरण मंत्री पंकजा मुंडे यांनी व्यक्त केली..गोपीनाथ मुंडे यांच्या ११ व्या स्मृतिदिनी मंगळवारी गोपीनाथगडावर आयोजित कार्यक्रमात मुंडे बोलत होत्या. माजी खासदार डाॅ. प्रीतम मुंडे, प्रज्ञा मुंडे, माजी मंत्री धनंजय मुंडे आदींची उपस्थिती होती. त्यांनी गोपीनाथ मुंडे यांच्या समाधिस्थळी पुष्प अर्पण करत अभिवादन केले..कार्यक्रमस्थळी रामराव महाराज ढोक यांचे कीर्तन पार पडले. त्यानंतर मंत्री पंकजा मुंडे यांनी संवाद साधला. त्या म्हणाल्या, ‘आज अकरा वर्षे झाली माझे बाबा आणि आपले नेते आपल्यातून निघून गेले. त्यांचे संस्कार आणि विचार पुढे घेऊन जाणे हे आपले कर्तव्य आहे. या ठिकाणी उपस्थित प्रत्येक जण म्हणजे गोपीनाथ मुंडे परिवार असून या ठिकाणहून आपण दरवर्षी येऊन ऊर्जा घेतो.’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
