मुंडे भगिनींनी घेतले योगेश्वरी देवीचे दर्शन,देवीला घातले साकडे

अंबाजोगाई (जि.बीड) : भाजपच्या राष्ट्रीय सचिव पंकजा मुंडे (Pankaja Munde), खासदार डाॅ. प्रितम मुंडे (Pritam Munde) यांनी बुधवारी (ता.१३) नवरात्रातील आष्टमीनिमित्त श्री योगेश्वरी देवीचे दर्शन घेतले. आई योगेश्वरी अतिवृष्टीने बळीराजावर आलेले संकट दूर कर, कोरोना नष्ट होऊ दे, असे साकडे त्यांनी देवीला घातले. नवरात्रोत्सवानिमित्त पंकजा मुंडे व खासदार डॉ.प्रितम मुंडे यांनी परंपरेनुसार योगेश्वरी देवीचे (Yogeshwari Devi) दर्शन घेतले. योगेश्वरी देवीची मनोभावे (Beed) पूजाअर्चा करून त्यांनी दर्शन घेतले.

अन्नदात्या बळीराजाला सर्व संकटातून मुक्त कर आणि कोरोनाचे संकट टळू दे, अशी प्रार्थनाही त्यांनी देवीच्या चरणी केली. यावेळी आमदार नमिता मुंदडा, अक्षय मुंदडा, गयाताई कराड, भाजपचे तालुकाध्यक्ष अच्युत गंगणे, गणेश कराड, नेताजी देशमुख, कमलाकर कोपले, शाम आपेट, हिंदूलाल काकडे, सुनील लोमटे, संजय गंभीरे यांच्यासह कार्यकर्त्यांची उपस्थिती होती.

(पूर्ण.. )