Jalna News
esakal
परतूर: महाराष्ट्र इमारत व इतर बांधकाम कामगार कल्याणकारी मंडळाच्या वतीने नोंदणीकृत बांधकाम कामगारांसाठी ३२ पेक्षा अधिक कल्याणकारी योजना राबविण्यात येतात. या योजनांद्वारे गरजू कामगारांना आर्थिक मदत, शिक्षण, आरोग्य, निवास तसेच सामाजिक सुरक्षेशी संबंधित विविध लाभ देण्याचा उद्देश आहे.
मात्र, परतूर तालुक्यात या योजनांचा लाभ मिळवण्यासाठी केलेले क्लेम, नवीन नोंदणी व नूतनीकरणाचे अर्ज वर्षानुवर्षे प्रलंबित असल्याने मजूर वर्गातून तीव्र नाराजी व्यक्त होत आहे.