Parbhani News
esakal
परभणी: गेल्या दोन दिवसांपासून तापमानात मोठी वाढ झाली असून सकाळी ८ पासूनच उन्हाच्या झळा असह्य होत आहेत. रविवार व सोमवार असे सलग दोन दिवस पारा ४४ अंशापर्यंत पोचला होता. तापमानात आणखी वाढ होण्याची शक्यता वर्तविली जात असून, सध्या कडक उन्हामुळे नागरिक कमालीचे त्रस्त असून सन बर्न, हीट क्रॅम्प्स (स्नायूंना गोळे येणे), हीट एक्झॉर्शन (प्रचंड थकवा), हीट स्ट्रोक (उष्माघात) यांसारख्या उष्णता विकारांचा धोका वाढला आहे.
