Republic Day 2024 : उत्कृष्ट सेवेबद्दल राजेंद्र शिरतोडेंना राष्ट्रपती पदक

परभणी : परभणी ग्रामीणचे उपविभागीय पोलिस अधिकारी राजेंद्र श्रीरंग शिरतोडे यांच्या उत्कृष्ट सेवेबद्दल त्यांना यंदाचे राष्ट्रपती पदक जाहीर झाले आहे.

शिरतोडे हे सध्या परभणी ग्रामीण विभागाचे उपविभागीय पोलिस अधिकारी आहेत. ते याआधी मुंबई पोलिस दलासह ठाणे, वर्धा आणि मुंबई रेल्वे पोलिस दलात कार्यरत होते.

गतवर्षीच त्यांना पोलिस महासंचालकांचे विशेष पदकही मिळाले आहे.

प्रजासत्ताक दिनाच्या पूर्वसंध्येला राज्यातील पोलिस अधिकारी व कर्मचाऱ्यांची यादी जाहीर करण्यात आली. त्यात शिरतोडे यांना राष्ट्रपती पदक जाहीर झाले आहे. शुक्रवारी (ता.२६) प्रजासत्ताक दिनाच्या सोहळ्यात पदक प्रदान करण्यात येईल.