Parbhani Gram Panchayats : निकालानंतर वाद; दहा जणांविरुद्ध गुन्हा दाखल

चारठाणा : ग्रामपंचायत निवडणुकीचा निकाल जाहीर झाल्यानंतर दोन्ही गटातील कार्यकर्ते समोरासमोर भिडल्याची घटना चारठाणा गटातील जांब तांडा येथे मंगळवारी (ता.२०) सायंकाळी घडली आहे. घटनेची माहिती मिळताच सहायक पोलिस निरीक्षक बालाजी गायकवाड, पोलिस उपनिरीक्षक विनोद साने, बी. आर. झाडे, वसंत वाघमारे, सुधाकर कुटे, संजय पवार, पवन राऊत, कोंढारे यांनी तत्काळ घटनास्थळी भेट दिली. परिस्थितीचे गांभीर्य लक्षात घेत परभणीचे दंगल नियंत्रण कक्ष पथकही घटनास्थळी दाखल झाले होते.(Parbhani News)

दरम्यान, पोलिस उपनिरीक्षक विनोद साने यांच्या फिर्यादीवरून शंकर गुलाब जाधव, मोतीराम गुलाब जाधव, कमलबाई गुलाब जाधव, कृष्णा शंकर जाधव तर दुसऱ्या गटातील रेणुका बालाजी राठोड, बालाजी रुस्तुम राठोड, बापूराव आलम राठोड, वंदना बापूराव राठोड, बालाजी रुस्तुम राठोड (सर्व रा. जांब तांडा) यांच्यावर चारठाणा पोलिस ठाण्यात सार्वजनिक रस्त्यावर सार्वजनिक शांततेच्या भंग केला म्हणून गुन्हा दाखल झाला.