केज - तालुक्यातील सारूळ फाटा येथील रेणुका कला केंद्रावर लोकनाट्य तमाशाच्या नावाखाली सुरू असलेल्या वेश्या व्यवसायावर पोलिसांनी मंगळवारी (ता. ०५) रात्री आठ वाजण्याच्या सुमारास अचानक छापा टाकला..या पोलीस कारवाईत गुजरात राज्यातील दोन महिलांची सुटका करण्यात आली. यावेळी कला केंद्राचा व्यवस्थापक व पार्टी मालकीनीला ताब्यात घेतले असून कला केंद्राचा मालक फरार झाला आहे. या प्रकरणी तिघांविरोधात पोलीसात गुन्हा दाखल करण्यात आला आहे.रेणुका कला केंद्रावर पुन्हा एकदा वेश्याव्यवसायाचा पर्दाफाश झाल्याने परिसरात खळबळ उडाली आहे. पोलिसांनी तातडीने कारवाई करून दोन महिलांची सुटका केली असून फरार मालकाचा शोध सुरू आहे. या कारवाईने रेणुका कला केंद्र पुन्हा एकदा चर्चेत आले आहे..पोलिसांना मिळालेल्या गुप्त माहितीच्या आधारे मंगळवारी रात्री आठ वाजता बीड अनैतिक मानवी वाहतूक प्रतिबंधक शाखेच्या पोलीस पथकाने अचानक सारूळ येथील रेणुका कला केंद्रावर अचानक छापा टाकला.जिल्हा पोलीस अधीक्षक नवनीत काॅवत यांच्या आदेशानुसार पोलीस निरीक्षक देवीदास भागवत, सहाय्यक पोलीस निरीक्षक पल्लवी जाधव, सहाय्यक उपनिरीक्षक मीरा रेडेकर व महिला पोलिस हवालदार श्रीमती उषा चौरे, शोभा जाधव, पोलीस हवालदार प्रदीप येवले, अशोक शिंदे, पोलीस शिपाई प्रदीप वीर, योगेश निर्धार यांचा समावेश असलेल्या पोलिस पथकाने बनावट ग्राहक पाठवून पंचासमक्ष कारवाई केली..यावेळी पोलीसांनी केलेल्या कारवाईत गुजरात राज्यातील बत्तीस वर्षीय आणि तीस वर्षीय दोन तरुणी आढळून आल्या. पोलिसांनी त्या दोघींचे जबाब नोंदवून त्यांची सुटका केली. या प्रकरणी रेणुका कला केंद्राचा मालक रामनाथ ढाकणे, व्यवस्थापक शाफीक हमीद शेख व पार्टी मालकीण मिना संतोष खराडे यांच्या विरोधात केज पोलीस ठाण्यात गुन्हा दाखल करण्यात आला आहे. यातील कला केंद्राचा मालक रामनाथ ढाकणे हा सध्या फरार असून पोलिस त्याचा शोध घेत आहेत. या गुन्ह्याचा पुढील तपास पोलीस निरीक्षक स्वप्नील उनवणे करत आहेत..वादग्रस्त रेणुका कला केंद्र -रेणुका कला केंद्र हे यापूर्वीही अनेक कारणांनी वादग्रस्त ठरले आहे. वर्ष २०१९ मध्ये येथे पोलिसांनी छापा टाकून सोळा जणांना ताब्यात घेतले होते. या कला केंद्रात काम करणाऱ्या शितल कांबळे हिचा बरड फाट्यावरील राजयोग लॉजमध्ये नेऊन खून केला होता..या प्रकरणी रामनाथ ढाकणे यांच्यासह तिघांवर गुन्हा दाखल केला होता. तर या कला केंद्रात नर्तकी म्हणून काम करीत असलेला तृतीय पंथी गार्गी ढलपे हिने मस्साजोग येथील अजिंक्य लॉजमध्ये ओढणीने गळफास घेऊन आत्महत्या केली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
