Kho-Kho World Cup Sakal
मराठवाडा
Kho-Kho World Cup : प्रियंका इंगळे चा आडस येथे नागरी सत्कार; मुलींच्या लेझीम पथकाने पारंपरिक पद्धतीने जोरदार स्वागत
Indian Womens Kho-Kho : प्रियंका इंगळे या भारतीय महिला खो-खो संघाच्या कर्णधाराने आगामी खो-खो विश्वकप स्पर्धेत भारताचे नेतृत्व करणार असल्याबद्दल आडस येथील नागरी सत्कार सोहळ्यात अभिमान व्यक्त केला.
केज : प्रथम होणाऱ्या खो-खो विश्वकप स्पर्धेत भारतीय संघाचे नेतृत्व करत देशाला विश्वकप मिळवून देण्याची किमया प्रियंका इंगळे च्या रूपाने या भागाच्या मातीत असल्याचा अभिमान वाटतो. त्यासाठी पालकांनी आपल्या पाल्यास त्याच्या आवडीचे क्षेत्र निवडण्यासाठी प्रोत्साहन देण्याची आवश्यकता असल्याचे प्रतिपादन रमेशराव आडसकर यांनी शुक्रवारी (ता.०७) आडस येथील भारतीय महिला खो-खो संघाची कर्णधार प्रियंका इंगळे हीच्या नागरी सत्कार सोहळ्यात बोलताना केले.