खूशखबर...! अर्थसंकल्पात माहूर गडाच्या विकासासाठी निधीची तरतूद

माहूर (जि. नांदेड) : महाराष्ट्रातील देवीच्या साडेतीन शक्तीपीठापैकी एक पुर्णपीठ असलेल्या माहूरगड विकासाकरिता निधी उपलब्ध करून देणार असल्याची घोषणा केली.  शुक्रवारी (ता. सहा मार्च २०२०) राज्याचे अर्थमंत्री अजीत पवार यांनी विधानसभेत अर्थसंकल्प सादर करताना ही घोषणा केली. विकास निधीची घोषणा झाल्याने माहूरमध्ये आनंद व्यक्त करण्यात येत आहे.

हेही वाचा - अर्थसंकल्पात मराठवाड्याला काय काय मिळाले, वाचा

शुक्रवार ठरला आनंदाचा दिवस
माहूरकरांसाठी शुक्रवारचा दिवस आनंदचा ठरला. २०१६-१७ यावर्षी माहूर तिर्थक्षेत्र विकासाचा सुधारीत दोनशे सोळा कोटी रुपयाचा आराखडा तयार करण्यात आला होता. त्यास मंत्रीमंडळाची मंजुरीही देण्यात आली होती. पण गेल्या चार वर्षात केवळ दोन कोटी रूपये निधी राज्य शासनाने उपलब्ध करून दिला होता. त्यामुळे तुटपुंज्या निधीमुळे विकास रखडला होता. महाविकास आघाडीचे सरकार स्थापन झाल्यानंतर विधानसभेचे अध्यक्ष नाना पटोले, सार्वजनिक बांधकाममंत्री तथा नांदेड जिल्हयाचे पालकमंत्री अशोक चव्हाण यांनी माहूर तिर्थक्षेत्र विकास कामाची उच्चस्तरिय बैठक विधानभवन मुंबई येथे नुकतीच घेऊन आढावा घेतला होता.

‘या’ तीर्थक्षेत्रांचा आहे समावेश
शुक्रवारी अर्थमंत्री अजित पवार यांनी विधानसभेत राज्याचा अर्थसंकल्प सादर केला. या अर्थसंकल्पात नांदेड जिल्हयातील श्रीक्षेत्र माहूर, बीड जिल्ह्यातील पळी वैजनाथ, हिंगोली जिल्हयातील औंढा नागनाथ, नर्सी नामदेव, पाथरी( जि.परभणी), प्राचीन शिवमंदीर अंबरनाथ, हजरत ख्वाजा शमनामिरा दर्गा मिरज या निर्थक्षेत्राच्या विकासाकरिता निधी उपलब्ध करणार असल्याची घोषणा केली आहे.

हे देखील वाचा - गृहिनींमध्ये का आहे तीव्र नाराजी, ते तुम्ही वाचाच

कामे लवकर व्हावीत
माहूरच्या नागरिकांची, भाविकांची मागणी पुर्ण झाली आहे. राज्य शासनाने कमी वेळेत विकास निधी उपलब्ध करून दिल्याबदल अभिनंदन व आभारय लवकरात लवकर कामे सुरू व्हावीत, हीच अपेक्षा
- चंद्रकांत भोपी (विश्वस्त, श्री रेणुकादेवी संस्थान विश्वस्त समिती, श्रीक्षेत्र माहूर)

राज्य शासनाचे अभिनंदन
विधानसभेचे अध्यक्ष नाना पटोले, नांदेड जिल्हयाचे पालकमंत्री अशोकराव चव्हाण यांनी माहूर तिर्थक्षेत्र विकास कामाकरिता निधी उपलब्ध व्हावा म्हणून पाठपुरावा केला होता. त्यांना निधी मिळविण्यात यश आले. त्याबद्दल राज्य शासनाचे अभिनंदन
- राजेंद्र केशवे (माजी सदस्य, माहूर तिर्थक्षेत्र विकास प्राधिकरण, माहूर गड)