आडूळ - आडूळ ता. पैठण येथे सोमवारी (ता. ३१) रोजी रमजान ईद (ईद- उल - फिञ) हा मुस्लिम समाज बांधवांचा सर्वात मोठा सण मोठ्या उत्साहात साजरा करण्यात आला.
सकाळी आठ वाजता येथील जामा मस्जीद येथे सर्व मुस्लिम समाज बांधव एकञित जमल्यानंतर साडे नऊ वाजता येथील ईदगाह मैदान येथे मुस्लिम बांधवांनी सामूहिक ईद उल फिञ ची विशेष नमाज अदा केली. यावेळी बयान (प्रवचन) मौलाना रिजवान मनियार यांनी केले.
नमाज पठण व दुआ मौलाना मुप्ती आलीम तांबोळी तर खुदब्याचे वाचन मौलाना नसीम शेख यांनी केले. फिलिस्तिन मध्ये इजराईलकडुन होत असलेल्या अत्याचार थांबविण्यात यावा व फिलिस्तिन येथे शांती निर्माण व्हावी यासाठी दुआ करण्यात आली तर देशात व जगात शांतता नांदावी यासाठी प्रार्थना (दुआ) करण्यात आली.
ईद ची नमाज अदा केल्यानंतर येथील हिंदु समाज बांधवांनी मुस्लीस समाज बांधवांची गळाभेट घेवु शुभेच्छा दिल्या तर मुस्लीम समाज बांधनांनी हिंदु समाज बांधवांना घरी बोलावुन शुर्खुम्याची विशेष मेजवानी करुन हिंदु मुस्लिम ऐकतेचे दर्शन घडविले.
ईदगाह मैदानावर पाचोड पोलीस ठाण्याचे सहायक पोलिस निरीक्षक शरदचंद्र रोडगे यांच्या मार्गदर्शनाखाली उपनिरिक्षक हरिश बोबडे, बिट जमादार रणजितसिंग दुलत, खंडू चव्हाण, बाळु जावळे सह कर्मचारी यांनी बंदोबस्त ठेवला होता. आडूळ सह रजापूर, एकतुनी, ब्राम्हणगांव, पांढरी पिंपळगाव, घारेगाव, पारुंडी आदी ठिकाणी ईद शांततेत साजरी करण्यात आली.
वक्फ बोर्ड कायदा २०२४ ला विरोध म्हणुन येथील मुस्लीम समाज बांधवांनी नमाजसाठी येतांना शासनाचा निषेध म्हणुन आपापल्या हाताला काळ्या रंगाच्या फिती बांधुन हा कायदा अमलात आणु नये अशी मागणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.